საბურთალოს რაიონში, წიგნის პოპულარიზაციისა და განათლების ხელშეწყობის მიზნით, ე.წ. წიგნების ბაღში „ლიტერატურული შეხვედრები“ დაიწყო. ამის შესახებ ინფორმაციას თბილისის მერია ავრცელებს. 

უწყების ცნობით, პირველი შეხვედრა პოეტ გელა დაიაურთან გაიმართა, რომელმაც საკუთარ ლიტერატურულ შემოქმედებაზე ისაუბრა და რჩეული  ლექსები წაუკითხა მსმენელებს. ღონისძიებას, მოსახლეობასთან ერთად, საბურთალოს რაიონის გამგებელი გაიოზ ვასაძე ესწრებოდა. 

„ძალიან მნიშვნელოვანია, ამ თანამედროვე ციფრულ სამყაროში ადამიანები დაკავდნენ წიგნის კითხვით. სწორედ წიგნიერების წასახალისებლად მოვაწყვეთ აღნიშნული სკვერი და აქ კიდევ არაერთი საგანმანათლებლო ღონისძიება გაიმართება“, - განაცხადა გაიოზ ვასაძემ. 

ღონისძიებას უძღვებოდა სამოქალაქო მრჩეველთა საბჭოს წევრი გოგა ჩანადირი, რომელმაც წიგნიერების მნიშვნელობის შესახებ ისაუბრა.

ავტორი: NS (სტატია დაფინანსებულია),

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო