ეკონომიკისა და მდგრადი განვითარების მინისტრის მოადგილე რომეო მიქაუტაძე, რომელიც დარგობრივი ეკონომიკისა და ეკონომიკური პოლიტიკის საპარლამენტო კომიტეტის გასვლით სამუშაო სხდომაში მონაწილეობს, ღონისძიების სხვა მონაწილეებთან ერთად, „ენგურჰესს" ეწვია და საქართველოს უდიდესი ელექტროსადგურის საქმიანობას გაეცნო.

სამუშაო სხდომის მონაწილეებმა მოისმინეს „ენგურჰესის" ხელმძღვანელების მიერ გაკეთებული პრეზენტაცია სადგურში არსებულ ვითარებაზე, რეაბილიტაციის პროცესსა და განვითარების შესაძლებლობებზე. აღინიშნა, რომ „ენგურჰესს" მნიშვნელოვანი როლი აკისრია ქვეყნის ელექტროენერგიით მომარაგებისა და ენერგეტიკული დამოუკიდებლობის საკითხებში. ყურადღება გამახვილდა მასშტაბურ სარეკონსტრუქციო სამუშაოებზე, რომლებიც 2021 წელს სადგურის სადერივაციო გვირაბში, ევროპის რეკონსტრუქციისა და განვითარების ბანკის (EBRD) ფინანსური მხარდაჭერით განხორცილდა. შედეგად, მნიშვნელოვნად გაიზარდა „ენგურჰესის" მიერ ელექტროენერგიის გამომუშავება.

„ენგურჰესი" საქართველოს უმსხვილესი ჰესი და ენერგეტიკული დამოუკიდებლობისთვის მნიშვნელოვანი სადგურია. მის გამართულ მუშაობაზე დიდწილადაა დამოკიდებული ქვეყნის შეუფერხებელი ენერგომომარაგება. „ენგურჰესი" კარგი მაგალითია, , თუ რატომ გვჭირდება წყალსაცავიანი სადგურები. კომიტეტის სხდომაზე განვიხილეთ, რამდენად მნიშვნელოვანია მძლავრი ჰესების არსებობა ქვეყნის ენერგოსისტემისთვის, რომელთა ექსპლუატაციაში შესვლის შემდეგაც ჩვენი დამოკიდებულება უცხოურ ენერგეტიკულ რესურსებზე მნიშვნელოვნად შემცირდება," - განაცხადა მინისტრის მოადგილემ.

რომეო მიქაუტაძის თქმით, აღსანიშნავია, რომ ენერგეტიკის განვითარების პროცესში აქტიურად არის ჩართული პარლამენტი. „ჩვენ მადლიერი ვართ პარლამენტის, კონკრეტულად, დარგობრივი ეკონომიკის კომიტეტის იმ მხარდაჭერისთვის, რომელსაც ვგრძნობთ ენერგეტიკის განვითარების კუთხით. სამუშაო შეხვედრაზე ვიმსჯელეთ არამხოლოდ მასშტაბურ ენერგეტიკულ რეფორმაზე, არამედ დღეს დარგში არსებულ ვითარებაზე," - განაცხადა მინისტრის მოადგილემ.

გასვლით სამუშაო შეხვედრაში, რომელსაც საპარლამენტო კომიტეტის თავმჯდომარე დავით სონღულაშვილი ხელმძღვანელობდა, ასევე მონაწილეობდნენ საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია, საქართველოს ენერგეტიკული ბირჟის გენერალური დირექტორი ირინა მილორავა, სს საქართველოს სახელმწიფო ელექტროსისტემის გენერალური დირექტორი გიორგი გიგინეიშვილი, სს „ენერგეტიკის განვითარების ფონდის" თავმჯდომარე გიორგი ჩიქოვანი და ენერგეტიკული სექტორის სხვა წარმომადგენლები.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო