|
2022-05-31 10:08:11, 1437 ნახვა
მსოფლიო
ევროკავშირი რუსეთის ნავთობზე ნაწილობრივ ემბარგოს დააწესებს - რას მოიცავს სანქციების მეექვსე პაკეტი
დიდხნიანი მსჯელობის შემდეგ, ევროკავშირის ლიდერები შეთანხმდნენ, რომ სანქციების მეექვსე პაკეტში რუსეთის ნავთობზე ნაწილობრივი ემბარგო დააწესონ. ამის შესახებ გადაწყვეტილება სამიტზე მიიღეს. ევროკავშირის საბჭოს პრეზიდენტმა შარლ მიშელმა განაცხადა, რომ შეთანხმება მოიცავს რუსეთიდან ნავთობის იმპორტის ორ მესამედზე მეტს, რაც მხოლოდ ზღვით შემოტანილ რუსულ ნავთობს გულისხმობს და იძლევა დროებით გათავისუფლებას მილსადენებით მიწოდებული იმპორტისთვის. სანქციების ახალი პაკეტი ასევე მოიცავს აქტივების გაყინვას და ფიზიკური პირებისთვის მოგზაურობის აკრძალვას. ხოლო რუსეთის უმსხვილესი ბანკი, Sberbank, გამოირიცხება SWIFT-დან, ფინანსური გადარიცხვების მთავარი გლობალური სისტემისგან, საიდანაც ადრე ევროკავშირმა აკრძალა რამდენიმე მცირე რუსული ბანკი. სამ მსხვილ რუსულ სახელმწიფო მაუწყებელს ევროკავშირში კონტენტის გავრცელება შეეზღუდება. ”ჩვენ გვინდა გავაჩეროთ რუსეთის ომის მანქანა უფრო მეტად, ვიდრე ოდესმე. მნიშვნელოვანია ვაჩვენოთ, რომ ჩვენ შეგვიძლია ვიყოთ ძლიერი, რომ ჩვენ შეგვიძლია ვიყოთ მტკიცეები, რომ ჩვენ შეგვიძლია ვიყოთ მკაცრი”, - განაცხადა შარლ მიშელმა. მანვე დასძინა, რომ ახალი სანქციები, რომლებსაც 27-ვე წევრი ქვეყნის მხარდაჭერა ესაჭიროებოდათ, ოთხშაბათს კანონიერად დამტკიცდება. შეგახსენებთ, რომ ეს არის ევროკავშირის სანქციების რიგით მეექვსე პაკეტი, ვინაიდან მათ უკვე დააწესეს სანქციების ხუთი რაუნდი რუსეთის წინააღმდეგ. ის შეეხება 1000-ზე მეტ ადამიანს ინდივიდუალურად, მათ შორის რუსეთის პრეზიდენტი ვლადიმერ პუტინსა და ხელისუფლების უმაღლესი წარმომადგენლებს, ასევე პროკრემლის ოლიგარქებს, ბანკებს, ქვანახშირის სექტორსა და სხვა.
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
რუსეთმა ოდესაზე მასშტაბური დარტყმა განახორციელა
ოდესაში, რუსული სამხედრო თავდასხმის შედეგად 16 ადამიანი დაშავდა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)