2022-05-22 11:04:08, 2737 ნახვა
ომი უკრაინაში
პოლონეთის პრეზიდენტი უკრაინაში ჩავიდა და უმაღლეს რადას სიტყვით მიმართავს
პოლონეთის პრეზიდენტი, ანდჟეი დუდა უკრაინაში ჩავიდა. ამის შესახებ ინფორმაციას პრეზიდენტის ადმინისტრაცია ავრცელებს.
უწყების ცნობით, ანდჟეი დუდა დღეს უკრაინის უმაღლეს რადას სიტყვით მიმართავს.
"პრეზიდენტი ანდჟეი დუდა უკრაინაში იმყოფება. კვირას, კიევში, უმაღლეს რადაში, პოლონეთის რესპუბლიკის პრეზიდენტი გააჟღერებს თავის გზავნილს", - წერია განცხადებაში.
აღსანიშნავია, რომ პოლონეთის პრეზიდენტი იქნება პირველი უცხო სახელმწიფოს მეთაური, რომელმაც ომის დაწყების შემდეგ რადას მიმართა.
ავტორი: ექსპრესნიუსი,
epn.ge (@expressnews.ge)
