რუსეთს არ აინტერესებს, აღიარებენ თუ არა G7 ქვეყნები უკრაინის საზღვრებში ცვლილებებს,  დონბასის რეგიონთან მიმართებაში,- აცხადებს რუსეთის უშიშროების საბჭოს თავმჯდომარის მოადგილე დიმიტრი მედვედევი 

უშიშროების საბჭოს წევრმა  ხაზგასმით აღნიშნა, რომ ერთადერთი, რაც მნიშვნელოვანია, არის მოსკოვის და ამ ტერიტორიზე მცხოვრები ხალხის სურვილი.

"რბილად რომ ვთქვათ: ჩვენს ქვეყანას არ აინტერესებს G7-ის მიერ ახალი საზღვრების [უკრაინის] არ აღიარება; მთავარია იქ მცხოვრები ხალხის ნამდვილი ნება. ნუ დაივიწყებთ კოსოვოს პრეცედენტს, ჩვენს დასავლელ მეგობრებს", - განაცხადა მედვედევმა.

 მედვედევმა დასძინა, რომ G7-ის გადაწყვეტილებები არის ჩარევა ჩინეთის საშინაო საქმეებში და რუსეთის წინააღმდეგ ფარული ომის გაგრძელება.

„დიდი შვიდეულის ქვეყნები მოუწოდებენ ჩინეთს, არ დაეხმაროს რუსეთს სანქციების გვერდის ავლით, არ გაამართლოს მისი ქმედებები და არ მიაწოდოს რუსეთს სამხედრო დახმარება. ეს არის პირდაპირი ინტერვენციის გაგრძელება ჩინეთის საშინაო საქმეებში და მინიშნება იმისა, რომ მათ შეუძლიათ ჩინეთის დასჯა. დიდი შვიდეული გააგრძელებს ფარულ ომს რუსეთთან იმის ნაცვლად, რომ გაუმკლავდეს პრობლემებს საწვავთან და საკვებთან დაკავშირებით თავისი უკმაყოფილო მაცხოვრებლებისთვის “, - განაცხადა რუსეთის მაღალჩინოსანმა.

G7-მა სამდღიანი შეხვედრის დროს ქვეყნებმა რამდენიმე შეთანხმებას მიაღწიეს , მათ შორის  კიევისთვის იარაღის მიწოდების შესახებ.

რაც შეეხება G7-ის მიერ რუსულ ნავთობზე დამოკიდებულების შემცირებას, რუსეთის ოფიციალურმა წარმომადგენელმა აღნიშნა, რომ ეს არის  "G7-ის მოქალაქეების ძარცვა" "უკრაინის კორუმპირებული რეჟიმის" მხარდასაჭერად.

ავტორი: ექსპრესნიუსი,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით