მაუწყებლის უცვლელმა ჟიურიმ უკრაინას ყველაზე დაბალი 6 ქულა მისცა და ჩართვა ვერ შეძლო

2022-05-15 03:29:38, 4022 ნახვა

Lifestyle

საქართველოდან "ევროვიზიის" ჟიურიმ რომელიც რამდენიმე წელია საზოგადოებრივ მაუწყებელში უცვლალად ზის, უკრაინას ყველაზე დაბალი 6 ქულა დაუწერა.

აღსანიშნავია, რომ ქართველმა ხალხმა და მაყურებელმა საქართველოდან უკრაინას უმაღლესი 12 ქულა მისცა.

ჟიურის ქულის გამოცხადების დროს საზოგადოებრივმა მაუწყებელმა, ადგილიდან ჩართვაც ვერ შეძლო და ქართველი ჟიურის ქულები ევროვიზიის წარმომადგენელმა სცენაზევე გამოაცხადა.

მილიონობით მაყურებელი, ამაოდ ელოდა საქართველოდან ვინმე ელენეს ჩართვას.

საქართველოდან ჟიურის ყველაზე მაღალი შეფასება – 12 ქულა გაერთიანებულ სამეფოს ერგო, რომელიც მეორე ადგილზე გავიდა.
2022 წელს ევროვიზიის სიმღერის კონკურსზე საქართველოს სახელით ჯგუფი „სირკუს მირკუსი“ წარდგა სიმღერით – Lock Me In. რომელიც ნახევარფინალშიც ვერ გავიდა.

საქართველოს პირველმა არხმა ევროვიზიის სიმღერის კონკურსზე საქართველოს წარმომადგენელი შემოსული განაცხადების შიდა შერჩევის საფუძველზე გამოავლინა. გადაწყვეტილება საქართველოს პირველი არხის სამხატვრო საბჭომ და მუსიკალურმა პროდიუსერებმა ერთობლივად მიიღეს.

ევროვიზიის სიმღერის კონკურსი ევროპის საზოგადოებრივი მაუწყებლების მუსიკალური ფესტივალია, რომელზეც ქვეყნის წარმომადგენელს საზოგადოებრივი მაუწყებლები სხვადასხვა შერჩევის გზით ავლენენ ან თავად ასახელებენ. წელს საქართველოს საზოგადოებრივმა მაუწყებელმა სწორედ ეს გზა აირჩია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,