ფინეთს ნატო-ში თბილად მიესალმებიან,  გაწევრიანების პროცესი მშვიდი და სწრაფი იქნება - აცხადებს ალიანსის გენერალური მდივანი, იენს სტოლტენბერგი.

სტოლტენბერგი თვლის, რომ ფინეთის ნატო-ში გაწევრიანება ორივე მხარის უსაფრთხოებას გააძლიერებს.

„მივესალმები პრეზიდენტ ნიინისტოსა და პრემიერ მინისტრ მარინის ერთობლივ განცხადებას, რომელიც მხარს უჭერს ნატოში გაწევრიანებას დაუყოვნებლად. ეს არის ფინეთის სუვერენული გადაწყვეტილება, რომელსაც ნატო სრულად პატივს სცემს. თუ ფინეთი გადაწყვეტს განაცხადის მიღებას, მას თბილად მიესალმებიან ნატოში და გაწევრიანების პროცესი იქნება მშვიდი და სწრაფი. ფინეთი ნატო-ს ერთ-ერთი უახლოესი პარტნიორია, ევროკავშირის წევრი და ევროატლანტიკური უსაფრთხოების მნიშვნელოვანი კონტრიბუტორი“, - განაცხადა მან.

ევროპელი დიპლომატები ვარაუდობენ, რომ შესაძლოა  ფინეთი სწრაფად შეუერთდეს ალიანსს მოლაპარაკებების დაწყებისთანავე, რადგან ის ათწლეულების განმავლობაში ყიდულობს სამხედრო ტექნიკას, რომელიც მის დასავლელ მოკავშირეებთან , მათ შორის აშშ-სთან თავსებადია და წევრობისთვის საჭირო მრავალ  რიტერიუმს აკმაყოფილებს.

ფინეთის ნატო-ში გაწევრიანებას ექნება როგორც პრაქტიკული, ისე სიმბოლური შედეგები რუსეთისთვის და დასავლური ალიანსისთვის.

შეგახსენებთ, რომ ფინეთმა ნატო-ში გაწევრიანების სურვილი დღეს გამოთქვა.

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად