ფინეთის ნატო-ში გაწევრიანება საფრთხეს უქმნის რუსეთის უსაფრთხოებას,- აცხადებს რუსეთის ფედერაციის პრეზიდენტის პრესმდივანი დიმიტრი პესკოვი

პესკოვის თქმით, სამხედრო ალიანსი რუსეთის საზღვრებთან ფართოვდება, რაც ევრაზიის კონტინენტზე „რისკებს ზრდის.“

„ჩვენ არაერთხელ გვითქვამს, რომ ნატოს გაფართოება და ალიანსის სამხედრო ინფრასტრუქტურის მიახლოება ჩვენს საზღვრებთან არ ხდის მსოფლიოს და რაც მთავარია, ჩვენს ევრაზიის კონტინენტს უფრო სტაბილურს და უსაფრთხოს “, - განაცხადა პესკოვმა.

კითხვაზე, არის თუ არა ფინეთის ნატოში გაწევრიანება საფრთხე რუსეთისთვის, მან უპასუხა: „აბსოლუტურად“.

შეგახსენებთ, რომ ფინეთმა  ნატოს სამხედრო ალიანსში გაწევრიანების გადაწყვეტილება დღეს მიიღო. ამ დრომდე  ეს არის მთავარი პოლიტიკური ცვლილება, რომელიც რუსეთის უკრაინაში შეჭრამ გამოიწვია.

 სკანდინავიის რეგიონში ნორვეგია, დანია და ბალტიის სამი ქვეყანა უკვე ნატო-ს წევრები არიან.  ფინეთისა და შვედეთის ალიანსში გაწევრიანება,  მოსკოვის გაბრაზებას იწვევს, რომელიც ამბობს, რომ ორგანიზაციის გაფართოება  მის უსაფრთხოებას პირდაპირ საფრთხეს უქმნის.

კითხვაზე, მოახდენს თუ არა ფინეთი ნატოში გაწევრიანებით რუსეთის პროვოცირებას , ფინეთის პრეზიდენტმა საული ნიინისტომ აღნიშნა,  რომ დამნაშავე პუტინი იქნება. „ჩემი პასუხი იქნება, რომ ეს შენ გამოიწვიე. ჩაიხედე სარკეში."

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად