რუსეთი დღეს არის ყველაზე პირდაპირი საფრთხე მსოფლიო წესრიგისთვის უკრაინის წინააღმდეგ ბარბაროსული ომით და მისი შემაშფოთებელი პაქტით ჩინეთთან,- განაცხადა ევროკომისიის პრეზიდენტმა ურსულა ფონ დერ ლაიენმა იაპონიის პრემიერ მინისტრ ფუმიო კიშიდასთან მოლაპარაკების დასრულების შემდეგ .

ევროკომისიის პრეზიდენტი ურსულა ფონ დერ ლაიენი და ევროსაბჭოს პრეზიდენტი შარლ მიშელი იაპონიაში მოლაპარაკებებზე იმყოფებიან. ვიზიტის მთავარი მიზანი რუსეთის უკრაინაში შეჭრის ფონზე , აზიასა და მის ფარგლებს გარეთ ჩინეთის როლის განხილვაა. ევროსაბჭოს პრეზიდენტი, შარლ მიშელი თვლის, რომ, უკრაინაში არსებული ვითარება კრიტიკულად მნიშვნელოვანია, როგორც ევროპისათვის ასევე წყნარი ოკეანის ქვეყნებისათვის.

"ჩვენი როლი უკრაინაში კრიტიკულია ევროპისათვის, მაგრამ ის ასევე მნიშვნელოვანია ინდო-წყნარ ოკეანეში. ჩვენ ასევე გვსურს გავაღრმავოთ ჩვენი კონსულტაციები ჩინეთთან დაკავშირებით“, -  განაცხადა მიშელმა. 

რუსეთ-უკრაინის ომის ფონზე, იაპონია რუსეთისთვის დაწესებულ ყველა სანქციას შეუერთდა, მათ შორის ენერგეტიკულ აკრძალვებს.

"რუსეთის შეჭრა უკრაინაში არ არის მხოლოდ ევროპის საქმე, არამედ ის არღვევს საერთაშორისო წესრიგის ბირთვს, მათ შორის აზიაში. ეს არ უნდა იყოს შეწყნარებული", - განაცხადა იაპომნიის პრემიერ-მინისტრმა. 
.
 

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად