ამერიკა ორ ფრონტზე იბრძვის სახლში, ეს არის ინფლაცია და ფასების ზრდა. საზღვარგარეთ, ის ეხმარება უკრაინელებს დაიცვან ჩვენი დემოკრატია და კვებავს მათ, ვინც მშიერი დარჩა მთელ მსოფლიოში, რუსული სისასტიკის გამო,- განაცხადა ამერიკის პრეზიდენტმა ჯო ბაიდენმა.

ბაიდენმა აღნიშნა, რომ რუსეთის სისასტიკის გამო  მილიონობით ადამიანს შიმშილით სიკვდილი ემუქრება, რადგან უკრაინაში  რუსეთის შეჭრის გამო  მილიონობით ტონა მარცვლეულის ექსპორტია შეჩერებული.

"თუ ეს მარცვლეული არ მოხვდება ბაზარზე, აფრიკაში ძალიან ბევრი ადამიანი შიმშილით მოკვდება, რადგან ისინი არიან აფრიკის მრავალი ქვეყნის ერთადერთი მიმწოდებელი,“ - განაცხადა ამერიკის პრეზიდენტმა.

 ბაიდენმა მადლობა გადაუხადა ამერიკელ ფერმერებს  და მათ "ქვეყნის ხერხემალი უწოდა". მან აღნიშნა, რომ პუტინის ომმა შეწყვიტა საკვების მნიშვნელოვანი წყაროების ექსპორტი.

 უკრაინა არის ხორბლის, სიმინდისა და მცენარეული ზეთის უმსხვილესი მწარმოებელი მსოფლიოში. მსოფლიო ბანკის მოხსენების თანახმად, რუსეთის შეჭრამ ხელი შეუწყო ისტორიულ შოკს სასაქონლო ბაზრებზე , რაც გლობალურ ფასებს 2024 წლის ბოლომდე მაღალ დონეზე შეინარჩუნებს.
გასული თვის ბოლოს გამოქვეყნებული ანგარიშის მიხედვით, სურსათზე ფასები წელს 22.9%-ით გაიზრდება, რაც  ხორბლის ფასის 40%-ით ზრდით არის გამოწვეული.

ბაიდენმა თავის გამოსვლაში დაარწმუნა საზოგადოება, რომ  ამერიკული სოფლის მეურნეობის ექსპორტი უკრაინის მარაგებში არსებულ დეფიციტს შეავსებს.  

ავტორი: ექსპრესნიუსი,

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად