„ახლა ჩვენ შემოვიღეთ შეზღუდვები წიწიბურის, ბრინჯის და შვრიის ექსპორტზე“, - ამის შესახებ, აგრარული პოლიტიკისა და სურსათის მინისტრის მოადგილემ ტარას ვისოცკიმ UA Razom Telethon-ის ეთერში განაცხადა.

მისი თქმით, ქვეყანაში საომარი მდგომარეობის დროს დაწესდება შეზღუდვები ამ პროდუქტების დეფიციტის თავიდან ასაცილებლად.

„რეგიონებიდან მიღებული ინფორმაციით, ცნობილია, რომ დაახლოებით 400 000 ტონა მარცვლეული მოიპარეს და ყირიმის ან რუსეთის ფედერაციის ტერიტორიაზე გადაიტანეს. იმ პოზიციებზე, სადაც ჩვენ ვხედავთ კრიტიკულ სიტუაციას, ჩვენ შევზღუდავთ ექსპორტს“, - თქვა აგრარული პოლიტიკისა და სურსათის მინისტრის მოადგილემ ტარას ვისოცკიმ UA Razom Telethon-ის ეთერში.

უკრაინის მთავრობის მარტის თვის დადგენილებით ომის წარმოების დროს უკრაინიდან აკრძალულია შაქრის, მარილის, ხორბლის, ხორცის, ასევე მსხვილფეხა რქოსანი პირუტყვის და მისი ქვეპროდუქტების ექსპორტი.

უკრაინიდან საქართველოში TOP-საიმპორტო საქონელი იყო:

1. თამბაქოს ნაწარმი - $77.96 მილიონი დოლარი;
2. ბრტყელი ნაგლინი ნახშირბადიანი ფოლადისაგან - $23.12 მილიონი დოლარი;
3. სამკურნალო საშუალებები დაფასოებული - $21.17 მილიონი დოლარი;
4. წნელები ნახშირბადიანი ფოლადისაგან - $18.78 მილიონი დოლარი;
5. კოპტონი და სხვა მყარი ნარჩენები, მიღებული სოიოს ზეთის ექსტრაჰირებისას - $14.39 მილიონი დოლარი;
6. შოკოლადი და კაკაოს შემცველი კვების სხვა მზა პროდუქტები - $11.18 მილიონი დოლარი;
7. პური, ფქვილოვანი საკონდიტრო ნაწარმი, შაქარლამა, ნამცხვარი და სხვა პურფუნთუშეული - $9.90 მილიონი დოლარი;
8. სამრეწველო დამზადების სხვა თამბაქო და თამბაქოს სამრეწველო შემცვლელები - $8.89 მილიონი დოლარი;
9. წყლები, მინერალურისა და დაგაზიანებულის ჩათვლით, შაქრის დანამატების შემცველობით - $7.65 მილიონი დოლარი;
10. ხორცი მსხვილფეხა რქოსანი პირუტყვის, გაყინული - $7.48 მილიონი დოლარი.

რაც შეეხება უკრაინასთან სხვა ეკონომიკურ კავშირებს, ფულადი გზავნილების სახით 2021 წელს $92.7 მილიონი გადმოირიცხა, რითიც უკრაინამ რიგით მერვე ადგილი დაიკავა.

2021 წლის 9 თვეში საქართველოში უკრაინიდან $6.4 მილიონის FDI შემოვიდა, რითიც ტოპათეულს მიღმა იყო, ხოლო ვიზიტორების რაოდენობით, უკრაინამ გასულ წელს მეხუთე ადგილი დაიკავა, რადგანაც ქვეყანას 144,900 უკრაინელი ვიზიტორი სტუმრობდა. ეს მთლიანად ვიზიტორთა ნაკადის 8.4% იყო.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო