მარიუპოლის მერის, ვადიმ ბოიჩენკოს განცხადებით, 14 ავტობუსიდან, რომლებმაც ზაპოროჟიეში მაცხოვრებლები წაიყვანეს, მხოლოდ 3-მა მიაღწია უკრაინის მიერ კონტროლირებად ტერიტორიაზე, დარჩენილი 11 ავტობუსიდან ადამიანების ბედი უცნობია.

მერის თქმით, მარიუპოლში ამჟამად ოთხი „ფილტრაციის ცენტრია“ და  ქალაქის ათასზე მეტი მცხოვრები ჯერ კიდევ ელოდება ევაკუაციას.

 „როდესაც ჩვენ გამოვაცხადეთ და რუსული მხარე დათანხმდა ამ ევაკუაციაზე, რომ მოგვცემდნენ 90 ავტობუსს, მათ დაადგინეს სამი ლოკაცია, მაგრამ მხოლოდ 14 ავტობუსი ჩამოვიდა ორ ადგილას და მხოლოდ 3 ჩავიდა უკრაინაში. შესაბამისად, სადღაც გაუჩინარდა 11 ავტობუსი, რომლებიც ზაპოროჟიეს მიმართულებით ჩვენი სახელმწიფოს კონტროლირებად ნაწილამდე უნდა წასულიყვნენ, მაგრამ სადღაც დაიკარგნენ",- ამბობს მარიუპოლის მერი. 

ბოიჩენკომ ასევე დასძინა, რომ 2 მაისს ისინი მარიუპოლის 2000 მაცხოვრებლის ევაკუაციას ელოდნენ, რომლებიც დამოუკიდებლად გაემგზავრნენ ოკუპირებულ ბერდიანსკში, ზაპოროჟიეს რეგიონში, მაგრამ დამპყრობლები ანადგურებენ გეგმებს და ხელს უშლიან ხალხს წასვლას.

ასევე, 3 მაისის დილის მდგომარეობით, ის ადამიანები, ვინც მარიუპოლი დატოვეს 2 მაისს, ჯერ არ მიუღწევიათ ზაპოროჟიეში. ეს ევაკუაცია ჯერ კიდევ გრძელდება, სვეტი ზაპოროჟიეს მიმართულებით მოძრაობს.

ავტორი: ექსპრესნიუსი,

სოციალური ქსელები

საქართველოს ბანკი დედამიწის დღეს მწვანე ინიციატივებს აჯამებს

NATO-ს ახალი სპეცწარმომადგენელი სომხეთში ვიზიტით იმყოფებოდა, ისაუბრეს პარტნიორობის განვითარებაზე

ალბი კორძაიას პოსტის საფუძველზე შსს-მ გამოძიება გაუპატიურების მუხლით დაიწყო

ზუგდიდში ჯიჭონაიების შვიდ სულიან ოჯახს ასახლებენ, ადგილზე ხმაურია - ვიდეო