კიევის ოლქის ქალაქ ბუჩას მკვიდრი ილია ნავალნი, რომელიც ასობით სხვა მსხვერპლს შორის მასობრივ საფლავში ცეცხლსასროლი იარაღით იპოვეს, რუსი ოპოზიციის ლიდერის ალექსეი ნავალნის  ნათესავი აღმოჩნდა.

ამის შესახებ BBC News Ukraine-ს მათმა საერთო ნათესავმა, სოფელ ნოვოე ზალესეს გამგებელმა პაველ ნავალნიმ განუცხადა.

”დიახ, ილია იყო ალექსის ნათესავი, მათ საერთო დიდი ბაბუა ჰყავდათ”, - თქვა პაველ ნავალნიმ.

თავად პაველი რუსი ოპოზიციის ლიდერის მეორე ბიძაშვილია. მისი თქმით, ნავალნის სხვა, ბევრად უფრო ახლო ნათესავები არ დაზარალდნენ რუსეთის მიერ კიევის რეგიონის ოკუპაციის დროს.

ცნობილია, რომ ოპოზიციის ლიდერს ალექსეი ნავალნის უკრაინული ფესვები აქვს და ნათესავები კიევის რეგიონში ჰყავს.

მანამდე Bild-მა დაწერა, რომ რუსმა სამხედროებმა ბუჩაში ყოფნისას დახვრიტეს ადგილობრივი მცხოვრები ილია ნავალნი. ცხედარს ღია პასპორტი აღმოაჩინეს. რუსული ოკუპაციის მსხვერპლთა ძებნისა და იდენტიფიკაციის ტელეგრამის არხმა "დაღუპულები ბუჩანსკის ოლქის ტერიტორიაზე" გამოაქვეყნა დოკუმენტების ფოტო და ილია ნავალნის ცხედარი.

ექსპერტებმა დაადგინეს, რომ მას ჭრილობები გულმკერდისა და თავის არეში ჰქონდა მიყენებული. მისი ცხედარი ბუჩას ეკლესიის მახლობლად საფლავში იპოვეს.

ადგილობრივი ხელისუფლების ცნობით, ბუჩაში 400 ადამიანი დაიღუპა. ახლა ექსპერტები მასობრივი საფლავებიდან დაღუპულთა ცხედრებს ასუფთავებენ.

ავტორი: ექსპრესნიუსი,

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება