უკრაინის დაპყრობა რუსი სამხედროებისთვის უკვე გამოცდად იქცა, რამაც თავისთავად შეანელა მათი წინსვლა უკრაინის ტერიტორიაზე. ამის შესახებ ბრიტანეთის თავდაცვის სამინისტრო დაზვერვის მონაცემებზე დაყრდნობით იუწყება.

სამინისტროში აღნიშნავენ, რომ რუსი მეთაურები შეშფოთებას ვერ დამალავენ თუ მარიუპოლის დაპყრობას დიდი დრო დასჭირდება.

მათივე ვცნობით, მარიუპოლის გარშემო განვითარებული მოვლენები ძალიან ჰგავს იმ მიდგომას, რაც რუსეთმა 1999 წელს ჩეჩნეთში და 2016 წელს სირიაში გამოიყენა.

„უკრაინულმა შეთანხმებულმა წინააღმდეგობამ რუსეთის ჯარები მძიმე ვითარებაში ჩააგდო, რამაც შეანელა რუსეთის წინსვლა სხვაგან. მარიუპოლის აღების მცდელობამ მის მაცხოვრებლებს მნიშვნელოვანი ზარალი მიაყენა. განადგურდა ინფრასტრუქტურის დიდი ნაწილი და მოსახლეობამაც მნიშვნელოვანი ზარალი განიცადა", - ნათქვამია დაზვერვის მიერ გავრცელებულ შეტყობინებაში.

შეგახსენებთ, რომ მანამდე რუსეთის ფედერაციის თავდაცვის სამინისტრომ უკრაინელი ჯარისკაცები მარიუპოლში მიიწვია და ომში დანებება შესთავაზა, თუმცა უკრანულმა მხარემ ამაზე უარი განაცხადა.

ავტორი: ექსპრესნიუსი,

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა