რუსეთის სახელმწიფო სათათბიროს თავმჯდომარე, ვიაჩესლავ ვოლოდინი თვლის, რომ თუ ვოლოდიმირ ზელენსკი უკრაინის მოქალაქეებზე ფიქრობს, მაშინ მან "დაუყოვნებლივ ორი გადაწყვეტილება უნდა მიიღოს".

მისი თქმით, ვოლოდიმირ ზელენსკიმ პირველ რიგში, დონეცკისა და ლუგანსკის სახალხო რესპუბლიკების ტერიტორიიდან ჯარები უნდა გაყვანოს. ხოლო მეორე, ხელშეკრულების საფუძველზე დააფიქსიროს ყირიმის და უკრაინის არაბლოკური სტატუსის აღიარების ვალდებულება, ასევე ქვეყნის დენაზიზაცია და დემილიტარიზაცია. 

"ზელენსკიმ თქვა, რომ უკრაინა მზადაა რუსეთთან განიხილოს ნატოში გაწევრიანებაზე უარის თქმის საკითხი და ყირიმის სტატუსი, მაგრამ მხოლოდ მას შემდეგ, რაც საომარი მოქმედებები შეწყდება და რუსულ ჯარებს უკრაინის ტერიტორიიდან გაიყვანენ. ამავე დროს, მან ხაზი გაუსვა, რომ ეს უნდა გაკეთდეს ნელა, დაჩქარების გარეშე“, - წერს სახელმწიფო სათათბიროს თავმჯდომარე ვიაჩესლავ ვოლოდინი ტელეგრამის არხზე.

მისივე თქმით, უკრაინის პრეზიდენტი ასე ლაპარაკობდა თურქეთში მოლაპარაკებების დაწყებამდე, როცა რუსი სამხედროები კიევთან ახლოს იყვნენ განლაგებული და რუსეთმა ამ მიმართულებით აქტივობა შეამცირა და ჯარები გაიყვანა.

„ამის შემდეგ იყო ბუჩა და სხვა პროვოკაციები. კიევმა უარი თქვა თავის ვალდებულებებზე. იგივე სცენარი შემოთავაზებულია დღესაც. ამის მიზეზი აშკარაა. მას სურს დროის ყიდვა და ამავე დროს მიმართოს ნატოს სამხედრო დახმარებისთვის, ”- ამბობს ვიაჩესლავ ვოლოდინი.

მისივე თქმით, უკრაინის არმიის დანაკარგებმა უკვე შეადგინა 23 367 ადამიანი. მარიუპოლის განთავისუფლების დროს გუშინ 1464 უკრაინელი სამხედრო ჩაბარდა, კიდევ 2500-მდე დაბლოკილია აზოვსტალის ქარხნის ტერიტორიაზე.

ავტორი: ექსპრესნიუსი,

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა