მსოფლიო მზად უნდა იყოს იმ შესაძლებლობისთვის, რომ რუსეთმა შესაძლოა გამოიყენოს ბირთვული იარაღი უკრაინაში, განაცხადა უკრაინის პრეზიდენტმა ვლადიმირ ზელენსკიმ ამერიკულ ტელეარხ CNN-თან ინტერვიუში.

მან ეს განცხადება გააკეთა კითხვაზე, შეშფოთებულია თუ არა CIA-ს დირექტორის უილიამ ბერნსის სიტყვებით, რომ რუსეთს შეეძლო ტაქტიკური ბირთვული იარაღის გამოყენება უკრაინაში შეჭრის დროს.

„არა მხოლოდ მე, მთელი მსოფლიო, ყველა ქვეყანა უნდა იყოს შეშფოთებული, რადგან ეს შეიძლება არ იყოს რეალური ინფორმაცია, მაგრამ შეიძლება სიმართლე აღმოჩნდეს. ჩვენ უნდა ვიფიქროთ, არ გვეშინოდეს, მაგრამ ვიყოთ მზად. მაგრამ ეს არ არის მხოლოდ უკრაინის საკითხი, ვფიქრობ, მთელი მსოფლიოსთვის საგანგაშოა ინფორმაცია”. - განაცხადა ზელენსკიმ.

მანამდე CIA-ს ხელმძღვანელმა უილიამ ბერნსმა განაცხადა, რომ რუსეთი უკრაინაში ტაქტიკურ ბირთვულ იარაღს გამოიყენებს. მისი აზრით, ეს შეიძლება მოხდეს იმ შემთხვევაში, თუ რუსეთის პრეზიდენტი ვლადიმერ პუტინი იმედგაცრუებული იქნება უკრაინის წინააღმდეგ ომში გამარჯვების მიღწევაში.

ავტორი: ექსპრესნიუსი,

სოციალური ქსელები

სუს-ის უფროსის პოსტზე მამუკა მდინარაძეს გელა გელაძე შეცვლის, შს მინისტრი სულხან თამაზაშვილი იქნება

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა