სსიპ სოფლის მეურნეობის სახელმწიფო ლაბორატორიის სპეციალისტები აზერბაიჯანის რესპუბლიკაში, ქ. ბაქოში იმყოფებოდნენ. - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, სამუშაო ვიზიტის ფარგლებში, შეხვედრები გაიმართა აზერბაიჯანის ვეტერინარიის კვლევით ინსტიტუტში, სადაც მხარეებმა თანამშრომლობის გაღრმავების საკითხები განიხილეს. ქართველი სპეციალისტები ვეტერინარიის კვლევით ინსტიტუტში მიმდინარე სამუშაოებს გაეცნენ. 

შეხვედრა გაიმართა ვეტერინარიის კვლევით ინსტიტუტის დირექტორთან სიალა რუსტამოვთან, სადაც მხარეებმა ცხოველთა ინფექციური და არაინფექციური დაავადებების კვლევის მეთოდებზე ისაუბრეს. ქართველმა სპეციალისტებმა ინსტიტუტის თანამედროვე ტექნოლოგიით აღჭურვილი ლაბორატორია დაათვალიერეს. 

აღსანიშნავია, რომ აზერბაიჯანის ვეტერინარიის კვლევითი ინსტიტუტის სპეციალისტებმა გასულ წელს გადამზადების კურსი საქართველოში, სოფლის მეურნეობის სახელმწიფო ლაბორატორიაში გაიარეს, სადაც სეროლოგიისა და მოლეკულური ბიოლოგიის მიმართულებით არსებული კვლევის მეთოდები შეისწავლეს. 

სოფლის მეურნეობის სახელმწიფო ლაბორატორია აქტიურად თანამშრომლობს არაერთი ქვეყნის წამყვან ლაბორატორიებთან და საერთაშორისო ორგანიზაციებთან. თანამშრომლობის ფარგლებში, არაერთი წარმატებული პროექტი ხორციელდება.

ავტორი: NS (სტატია დაფინანსებულია),

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში