მიმდინარე კვირაში, თბილისში, წიგნის მსოფლიო დედაქალაქის პროექტის ბოლო, შემაჯამებელი ღონისძიებები იმართება, - ამის შესახებ თბილისის მერმა, კახა კალაძემ დედაქალაქის მუნიციპალიტეტის მთავრობის დღევანდელ სხდომაზე განაცხადა.

მისი თქმით, მომავალ კვირას, წიგნის მსოფლიო დედაქალაქის  საპატიო სტატუსს თბილისი მექსიკის ქალაქ გვადალახარას გადასცემს.

„უკვე ერთი წელი შესრულდა, რაც თბილისი წიგნის მსოფლიო დედაქალაქია. პანდემიის მიუხედავად, ასამდე პროექტი განხორციელდა,  რომელშიც ათასობით ადამიანი იყო ჩართული. წიგნის მსოფლიო დედაქალაქების ქსელის პირველი შეხვედრის ფარგლებში, ვმასპინძლობთ ოფიციალურ სტუმრებს იუნესკო-დან, გამომცემელთა საერთაშორისო ასოციაციიდან, ფრანკფურტის წიგნის ბაზრობიდან და საერთაშორისო საბიბლიოთეკო ასოციაციიდან, ასევე, იმ ქალაქების მერებს და წიგნის მსოფლიო დედაქალაქის პროექტის წარმომადგენლებს, რომლებიც უკვე იყვნენ იუნესკო-ს წიგნის მსოფლიო დედაქალაქები ან მომავალში იქნებიან“, - განაცხადა კახა კალაძემ.

თბილისის მერის თქმით, 14 აპრილს ქართული ენის დღისადმი მიძღვნილი ღონისძიებები ჩატარდება.

„14 აპრილს ყველას გიწვევთ დედაენის ბაღში, სადაც ქართული ენის დღისადმი მიძღვნილი შემეცნებით-გასართობი ღონისძიებები ჩატარდება. ასე რომ,  ყველას გელით დედაენის ბაღში.  14 აპრილს ერთად ვიზეიმოთ ქართული ენის დღე“, - აღნიშნა კახა კალაძემ.

ქართული ენის დღესთან დაკავშირებით, ღონისძიებაზე ქართულ ენასთან და 1978 წლის მოვლენებთან დაკავშირებულ თემებზე საინტერესო საუბრები გაიმართება. ასევე, ბავშვებისთვის მოეწყობა სპეციალური გასართობ-შემეცნებითი აქტივობები. ბაღში  თემატური აუდიო და ვიზუალური ინსტალაციები განთავსდება.

ღონისძიება 13:00 საათიდან დაიწყება.

ავტორი: NS (სტატია დაფინანსებულია),

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში