იმ შემთხვევაში, თუ მარიუპოლზე ქიმიური შეტევა დადასტურდება, დასავლეთი და დიდი ბრიტანეთი რუსეთის საპასუხოდ, ყველა შესაძლო ვარიანტს განიხილავს. ამის შესახებ ბრიტანეთის შეიარაღებული ძალების მინისტრმა, ჯეიმს ჰიპიმ განაცხადა.

ოფიციალურმა წარმომადგენელმა ასევე აღნიშნა, რომ ბრიტანეთის მთავრობამ ქიმიური თავდასხმის შესახებ ინფორმაცია ჯერ ვერ გადაამოწმა. მაგრამ თუ კი ეს ინფორმაცია დადასტურება „პრეზიდენტმა პუტინმა უნდა იცოდეს, რომ განიხილება ყველა შესაძლო ვარიანტი, თუ როგორ უპასუხებს დასავლეთი“.

”მნიშვნელოვანია იმის აღიარება, რომ დღეს ამ ნივთიერების უამრავი გზით გამოყენების საშუალება არსებობს, ცრემლსადენი გაზიდან დაწყებული, ქიმიური იარაღით დამთავრებული” , - აღნიშნა ჯეიმს ჰიპიმ.

შეიარაღებული ძალების მინისტრმა ასევე ხაზგასმით აღნიშნა, რომ რუსეთს ზოგიერთი ქმედება სცილდება დასაშვებს, რომელთა შორისაც ქიმიური იარაღის გამოყენებაა.

შეგახსენებთ, რომ გუშინ აზოვის პოლკმა მარიუპოლში რუსების მიერ ქიმიური იარაღის გამოყენების შესახებ განაცხადა. დრონიდან უცნობი წარმოშობის ნივთიერება ჩამოაგდეს. აღნიშნული თავდასხმის შედეგად სამი უკრაინელი ჯარისკაცი დაშავდა. აზოვის მეთაურის ანდრეი ბილეცკის თქმით, მათ ჰქონდათ სამხედრო ქიმიკატებით მოწამვლის აშკარა ნიშნები. ამ მომენტისთვის ჯარისკაცების მდგომარეობა შედარებით დამაკმაყოფილებელია.

ავტორი: ექსპრესნიუსი,

სოციალური ქსელები

ვენესუელის ოპოზიციის ლიდერი მარია კორინა მაჩადო ვენესუელაში დაბრუნდა

ვორონეჟში, დრონების თავდასხმის შედეგად ორი ადამიანი დაიღუპა და სულ მცირე 17 დაშავდა

ქართველი ებრაელი ქალი 7 ოქტომბრის ხოცვა-ჟლეტაში მონაწილე ტერორისტების ისტორიულ სასამართლო პროცესებს უხელმძღვანელებს

ნობელის პრემიის მიღების გადაწყვეტილების გამო, ტრამპმა ნორვეგიას „ტუალეტის ქვეყანა“ უწოდა