სარაჯიშვილი გამზირზე შუა გამყოფ ზოლში რეკრეაციული სივრცის მოწყობის სამუშაოებს ლიბანისა და სარაჯიშვილის სკვერების კეთილმოწყობაც დაემატა. მიმდინარე სამუშაოები დღეს თბილისის მერმა კახა კალაძემ დაათვალიერა.

„სარაჯიშვილის გამზირზე არსებული გზა გამყოფი ზოლის სრული რეაბილიტაცია მიმდინარეობს. ხუთ ჰექტარზე მეტი ტერიტორიაა, რაც გვინდა, სრულად განახლდეს. აქ წლების წინ ტრამვაის ხაზი გადიოდა. წინა ხელისუფლების დროს გაუქმდა ეს ტრანსპორტი. ამ ადგილზე არსებულ გზაგამყოფზე დასასვენებელი სივრცე მოეწყობა. დაირგვება ხე-მცენარეები, გაკეთდება ველობილიკი, საფეხმავლო ბილიკი. ტერიტორიაზე დამონტაჟდება სარწყავი სისტემები, ატრაქციონები. რეკრეაციული სივრცე განათდება ლედ სანათებით. სამუშაოები ოქტომბერში უნდა დასრულდეს. პროექტის განხორციელების შემდეგ, დარწმუნებული ვარ,  ადგილობრივი მოსახლეობა ისარგებლებს სივრცით, რომელიც ყველანაირად კეთილმოწყობილი და რეაბილიტირებული იქნება“ , - განაცხადა კახა კალაძემ.

ადგილზე დედაქალაქის მერთან ერთად მერის მოადგილე ირაკლი ბენდელიანი, გლდანის რაიონის გამგებელი ლევან ნაროუშვილი და მაჟორიტარი დეპუტატი კოტე ზარნაძე იმყოფებოდნენ.

აღსანიშნავია, რომ მთლიანი სარეაბილიტაციო სივრციდან ლიბანის სკვერის ფართობი 6 000 კვადრატულ მეტრს, ხოლო სარაჯიშვილის - 7 000 კვ. მ-ს შეადგენს.

აღნიშნული სამუშაოების ღირებულება 7,5 მლნ ლარს შეადგენს. ამ ეტაპისთვის, დასრულებულია სადემონტაჟო სამუშაოები, მიმდინარეობს გრუნტის მოჭრა და გატანა, ასევე, იჭრება ტრანშეეები განათებისა და სარწყავი ქსელისათვის.

ავტორი: NS (სტატია დაფინანსებულია),

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა