აშშ უკრაინას დამატებით 100 მილიონი დოლარის დახმარებას გაუწევს, ტანკსაწინააღმდეგო სისტემების შესაძენად. - ამის შესახებ აშშ-ის სახელმწიფო დეპარტამენტის პრესსამსახურის ცნობით, სახელმწიფო მდივანმა ენტონი ბლინკენმა განაცხადა.

„მსოფლიო გამოგნებულია რუსეთის ჯარების მიერ ბუჩასა და მთელ უკრაინაში ჩადენილი სისასტიკის გამო, უკრაინელები გაბედულად აგრძელებენ თავიანთი ქვეყნისა და თავისუფლების დაცვას", - ნათქვამია განცხადებაში.

ენტონი ბლინკენის განცხადებით, შეერთებული შტატები მოკავშირეებთან ერთად მტკიცედ უჭერენ მხარს უკრაინის სუვერენიტეტსა და ტერიტორიულ მთლიანობას.

პრეზიდენტის ბრძანებით, დაუყოვნებლივ ვაგზავნით 100 მილიონი აშშ დოლარს, რათა დავეხმაროთ უკრაინას ტანკსაწინააღმდეგო სისტემების შესაძენად“, - თქვა ბლინკენმა. 

სახელმწიფო მდივანმა ასევე აღნიშნა, რომ აშშ, მისი მოკავშირეები და პარტნიორები იმუშავებენ რუსული ომის დანაშაულების შესახებ დოკუმენტირებაზე და ინფორმაციას მიაწვდიან შესაბამის ორგანოებს, რათა პასუხისმგებელი პირები მართლმსაჯულების წინაშე წასრდგნენ.

ავტორი: ექსპრესნიუსი,

სოციალური ქსელები

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი

Amnesty International - საქართველოში ქალი მომიტინგეები ხდებოდნენ გენდერული და სექსუალური ძალადობის სამიზნე