2022-03-23 22:09:59, 975 ნახვა

---

გაეროს გენერალური მდივანი - რუსეთის უკრაინაში შეჭრამ შესაძლოა, ახლო აღმოსავლეთსა და ჩრდილოეთ აფრიკაში, სასურსათო კრიზისი გამოიწვიოს

რუსეთის შეჭრამ უკრაინაში შეიძლება ახლო აღმოსავლეთსა და ჩრდილოეთ აფრიკაში სასურსათო კრიზისი გამოიწვიოს, რადგან ქვეყნები, რომლებიც დამოკიდებულნი არიან უკრაინულ და რუსულ ხორბლის იმპორტზე, დეფიციტს წააწყდებიან. ამის შესახებ გაერო-ს გენერალურმა მდივანმა, ანტონიო გუტერესმა განაცხადა.

„სასურსათო, საწვავის და სასუქების ფასები მკვეთრად იზრდება, მიწოდების ჯაჭვები ირღვევა. ეს ყველაფერი ყველაზე მეტად, ღარიბებს ურტყამს და პოლიტიკურ არასტაბილურობასა და არეულობაში, მთელ მსოფლიოში თესლს თესავს“, - თქვა გუტერეშმა გაეროს უშიშროების საბჭოს სხდომაზე.

გუტერესის თქმით, ხორბლის ნახევარი მაიც, ეგვიპტეს, ლიბანს, ლიბიას, სომალს, სუდანსა და იემენს უკრაინიდან ან რუსეთიდან შემოაქვს.

უკრაინაზე რუსეთის თავდასხმამ უკვე გამოიწვია ხორბლის ფასების ზრდა, რამაც გამოიწვია საკვები პროდუქტების ფასების ინფლაცია.

რუსეთი და უკრაინა ერთად ხორბლის გლობალური წარმოების 14%-ს და მთელი ხორბლის ექსპორტის 29%-ს შეადგენენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი