კასპის მუნიციპალიტეტის სოფელ იგოეთში მუნიციპალიტეტის მერმა ვახტანგ მაისურაძემ და საკრებულოს თავმჯდომარემ შოთა ბეგლარაშვილმა ახალი საბავშვო ბაღის შენობა გახსნეს. ამის შესახებ კასპის მუნიციპალიტეტის მერია იუწყება.

მათივე ცნობით, სკოლამდელი აღზრდის დაწესებულება, რომელიც 50 აღსაზრდელზეა გათვლილი, ადგილობრივი ბიუჯეტიდან 696 326 ლარით  დაფინანსდა და სრულად აკმაყოფილებს თანამედროვე სტანდარტებს. ბაღი აღჭურვილია საჭირო ინვენტარითა და ტექნიკით,  ეზოში საბავშვო მოედანზე კი გასართობი საშუალებებია მოწყობილი. აღსანიშნავია, რომ ადგილზე დამატებით სამუშაო ადგილებიც გაიზარდა.

გავრცელებული ინფორმაციით, სოფელში საბავშვო ბაღი 30 წელია არ არსებობდა და ბავშვები   მშობლებს მერიის დაქირავებული ტრანსპორტით მეზობელი სოფლის საბავშვო ბაღში დაჰყავდათ.

,,სკოლამდელ დაწესებულებებში სათანადო პირობების შექმნა მუნიციპალიტეტისთვის პრიორიტეტია. გარდა ამისა, საბავშვო ბაღის სრული რეაბილიტაცია მიმდინარეობს სოფელ ზემო ხანდაკში, უახლოეს დღეებში კი სოფელ სამთავისის საბავშვო ბაღის  რეაბილიტაცია დაიწყება. მუნიციპალიტეტში სკოლამდელი აღზრდის დაწესებულებების კეთილმოწყობის პროცესს გავაგრძელებთ, რათა მუნიციპალიტეტში მცხოვრებ ყველა პატარას ჰქონდეს  აღზრდის თანაბარი პირობები - ლამაზ გარემოში განათლების მიღების შესაძლებლობა“ - აღნიშნა ვახტანგ მაისურაძემ.

ავტორი: NS (სტატია დაფინანსებულია),

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის