2022-02-28 17:40:43, 566 ნახვა

---

ზურაბ აზარაშვილი - ელექტრონული რეცეპტები, მხოლოდ გენერიკული დასახელების მითითება და თურქეთის ბაზრის გახსნა უფრო გამჭვირვალეს გახდის სფეროს და გააიაფებს პროდუქციას

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა ქართული ფარმაცევტული ბაზრის რეგულირებაზე ისაუბრა. 

აღსანიშნავია, რომ ამ თემაზე საუბარი იყო კონკურენციის სააგენტოსა და ჯანმოს მიერ, ცოტა ხნის წინ შემუშავებულ რეკომენდაციებში. 

„ამ საკითხზე სამუშაოდ შევქმენით საკონსულტაციო ჯგუფი და გვაქვს ვადაში გაწერილი სამოქმედო გეგმა. 

მაგალითად, 1-ლი მარტიდან, მე-2 ჯგუფს მიკუთვნებული ფარმაცევტული პროდუქტისთვის, აღარ მოხდება რეცეპტების მატერიალური სახით [ქაღალდზე] გაცემა და სავალდებულო იქნება მათი ელექტრონული რეგისტრაცია. აქვე დავაზუსტებ, რომ მე-2  ჯგუფის მედიკამენტები აქამდეც რეცეპტის საშუალებით გაიცემოდა. ახლა უბრალოდ ფურცლის ნაცვლად, ელექტრონული სახით იქნება საჭირო. 
შემდეგი ეტაპია ექიმების მიერ წამლის გამოწერისას მხოლოდ გენერიკული დასახელების მითითება. ასევე - თურქული ბაზრის გახსნა. ყველაფერი ეს, ერთობლიობაში უფრო გამჭვირვალეს გახდის ფარმაცევტულ ბაზარს და ამ პროდუქციაზე ფასებს კიდევ უფრო გააიაფებს სახელმწიფოსა და მოსახლეობისთვის“, - აღნიშნა ზურაბ აზარაშვილმა მთავრობის სხდომის შემდეგ, ჟურნალისტებთან საუბრისას.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი