ხელისუფლება სრულად აკონტროლებს ყველა პროცესს უკრაინის რეგიონებში -ზელენსკის მრჩეველი

2022-02-27 02:32:53, 552 ნახვა

მსოფლიო

ხელისუფლება სრულად აკონტროლებს ყველა პროცესს უკრაინის რეგიონებში.- ამის შესახებ, პრეზიდენტის მრჩეველმა მიხაილ პოდოლიაკმა განაცხადა.
„ჩვენ სრულად ვაკონტროლებთ ყველაფერს, რაც ხდება უკრაინის რეგიონებში“, - აღნიშნა პოდოლიაკმა.
პრეზიდენტის მრჩეველმა ხაზგასმით აღნიშნა, რომ უკრაინის არც ერთ ქალაქს არ გამოუცხადებია კაპიტულაცია. და რეგიონების თუ ქალაქების ადმინისტრაციები მტრის მხარეზე არ გადასულან.
პოდოლიაკმა განმარტა, რომ რუსული ტანკების კოლონა შეიძლება შევიდეს ქალაქში, მაგრამ პოლიცია, რომელიც იცავს ტერიტორიას, არ შეებრძოლება ამ აღჭურვილობას.
"ეს ტანკები დაიწვება სხვა ქალაქებში, სადაც უკრაინის შეიარაღებული ძალებია... დღეს რუსეთი ვერ აკონტროლებს მელიტოპოლს ან უკრაინის სხვა ქალაქს. ეს ფიზიკურად შეუძლებელია. ეს არ არის 2014 წელი", - ხაზგასმით აღნიშნა პოდოლიაკმა.
უკრაინა წინააღმდეგობას უწევს, მიუხედავად არაჩვეულებრივი რუსული აღჭურვილობისა. უკრაინელი დამცველები რუსებს ებრძვიან.