ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა, საყოველთაო ჯანმრთელობის დაცვის სახელმწიფო პროგრამის ფარგლებში, ყელ-ყურ-ცხვირის სნეულებათა ეროვნული ცენტრს (ქევანიშვილი-ჯაფარიძის კლინიკა), კოხლეარული იმპლანტები გადასცა.  - ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, ზურაბ აზარაშვილი  ბენეფიციარებზე მეტყველების პროცესორის მორგება-რეგულირების პროცესს დაესწრო.

ბენეფიციართა შორის ერთ-ერთი 2 წლის ერეკლე იმედაშვილი იყო, რომლემაც წარმატებული ოპერაციის შემდგომ ბგერები პირველად აღიქვა. 

სახელმწიფო პროგრამა შესაბამისი საჭიროების მქონე ბენეფიციართა კოხლეარული იმპლანტით უსასყიდლოდ  უზრუნველყოფას, ოპერაციასა და იმპლანტაციის შემდგომ 1-წლიან უფასო რეაბილიტაციას მოიცავს. დასავლური სტანდარტების შესაბამისი, კოხლეარული იმპლანტის კომპლექტის ღირებულება 50 000 ლარამდეა.  

შესაბამისი საჭიროების მქონე ბენეფიციართა კოხლეარული იმპლანტით უზრუნველყოფის კომპონენტი საყოველთაო ჯანმრთელობის დაცვის სახელმწიფო პროგრამაში  2021 წლის 1 აპრილს ინტეგრირდა.
პროგრამის ფარგლებში, 2021 წლის ოქტობრიდან დღემდე, 20  ბენეფიციარი დაკმაყოფილდა. 2022 წლის განმავლობაში კი ყველა არსებული მოთხოვნა სრულად დაკმაყოფილდება. 

ავტორი: NS (სტატია დაფინანსებულია),

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა