2022-02-16 15:40:27, 769 ნახვა

---

რუსეთმა შესაძლოა დიდ ბრიტანეთთან დაკავშირებული პირების წინააღმდეგ სანქციების შესახებ კანონი მიღოს

რუსეთის მთავრობამ შესაძლოა მიიღოს კანონი, რომელიც ითვალისწინებს სანქციების შესაძლებლობას დიდი ბრიტანეთის კომპანიებისა და მოქალაქეების წინააღმდეგ. აღნიშნულის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

როგორც ლავროვი აღნიშნავს, ლონდონი განიხილავს სანქციების დამატებას, რომელიც „არანაირად აღარ არის დაკავშირებული უკრაინასთან“, მაგრამ ამავე დროს აძლევს ბრიტანეთის ხელისუფლებას შესაძლებლობას „დაუწესოს სანქციები ნებისმიერ ორგანიზაციას, ფიზიკურ ან იურიდიულ პირს, რომლებიც დაკავშირებულია რუსეთთან“.

„რა თქმა უნდა, ისტორიამ ეს ჯერ არ იცის და თუ ეს კანონი საბოლოოდ ამოქმედდება, ეჭვი არ მეპარება, რომ ჩვენს პარლამენტს ექნება საფუძველი და ყველა საჭირო ზომა, მსგავსი კანონის მისაღებად. ეს ყველაფერი იმათთვის, ვინც ცდილობს რუსოფობიის გზაზე კარიერის გაკეთებას და რეიტინგის და პოპულარობის მოპოვებას“, - განცხადა მინისტრმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი