კორეულმა კომპანია "სამსუნგმა" 2022 წლის ერთ-ერთი ყველაზე მოთხოვნადი ფლაგმანური სმარტფონების მოდელები Galaxy S22 Ultra, S22+ და S22 წარადგინა.
ღონისძიება გუშინ, 9 თებერვალს გაიმართა, მას მაყურებელი ონლაინ ტრანსლაციის მეშვეობით აკვირდებოდა.
როგორც ჩანს "სამსუნგმა" მკვეთრად ინოვაციური ნაბიჯებისგან თავი ამ წელსაც შეიკავა, სმარტფონები მოსალოდნელად, შარშანდელი ფლაგმანების დიზაინში გამოვიდა, 
უბრალო მომხმარებლისთვის როგორც გარე, აგრეთვე პროგრამული ცვლილებები შეუმჩნეველი იქნება. 
Galaxy S22 Ultra ფაქტობრივად სახეშეცვლილი Galaxy Note-ის ხაზის გაგრძელებაა, რომელიც შარშან "სამსუნგს" არ განუახლებია, მაგრამ მასშიც ცვლილებები 
საკმაოდ შეუმჩნეველია. Ultra-ს გარეგნობა 2 წლის წინანდელ Note 10+ - ის დიზაინს ძალიან ჰგავს, რაც ყურადღების გარეშე არ დარჩენილა.
შეიცვალა სმარტფონების ძირითადი კამერის მოდული, ეკრანის სიკაშკაშე კვლავ გაიზარდა. უმცროსი S22 ზომაში მოიკლო, რამას ბატარეის 10% შემცირება გამოიწვია (ისე, რა
განახლება). 
როგორც ჩანს "სამსუნგი" თვლის, რომ მას "ეფლის" გამოცდილების გამეორება შეუძლია, რომელიც მდგომარეობს იმაში, რომ წლიდან წლამდე საკუთარ მომხმარებელს ფაქტობრივად
ერთნაირი დიზაინის და ფორმ-ფაქტორის მქონე სმარტფონებს სთავაზობს, ამ დროს "ეფლი" "სამსუნგისგან" განსხვავებით საკუთარ პროგრამულ უზრუნველყოფას, ოპერატიულ სიუსტემას
და ექსკლუზიურ პროგრამებს ქმნის და საკუთარ მოწყობილობებში, ძველებშიც კი მუდმივად ამახლებს IOS-ს.
ვნახოთ რამდენად მოთხოვნადი იქნება "სამსუნგის" ახალი ფლაგმანები.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა