2022-02-09 09:42:08, 1210 ნახვა
სამართალი
საქალაქო სასამართლოში თანხების გაფლანგვის საქმეზე მიხეილ სააკაშვილის პროცესი დღეს გაიმართება
თბილისის საქალაქო სასამართლოში თანხების გაფლანგვის საქმეზე დღეს საქართველოს მესამე პრეზიდენტის, მიხეილ სააკაშვილის სასამართლო პროცესი გაიმართება.
სხდომა საქალაქო სასამართლოში 11:00 საათზეა ჩანიშნული. როგორც ცნობილია, ექს-პრეზიდენტი დღევანდელ სასამართლო პროცესს დაესწრება და განცხადებას გააკეთებს.
ცნობისთვის, პროკურატურა ექს–პრეზიდენტს და მასთან ერთად ბრალდებულ სახელმწიფო დაცვის სპეციალური სამსახურის ყოფილ უფროსს, თეიმურაზ ჯანაშიას საბიუჯეტო თანხის დიდი ოდენობით – 9 მილიონი ლარის ჯგუფურად გაფლანგვას ედავება.
ავტორი: ექსპრესნიუსი,
epn.ge (@expressnews.ge)
