საცხოვრებელი ადგილის მიხედვით საქართველოს მოსახლეობის გადანაწილებას თუ გადახედავთ, ნათლად გამოჩნდება რომ თბილისი ამ მხრივ ძალიან დატვირთული ქალაქია. შესაბამისად არაა გასაკვირი რომ დედაქალაქში მოთხოვნა ბინებზე ყოველთვის დიდია. თბილისის თითოეულ უბანს თავისი ხიბლი აქვს, თუმცა არსებობს გამორჩეული ლოკაციები, სადაც ბინის ყიდვა ბევრ ადამიანს სურს.

ვაკე

ვაკე თბილისის გამორჩეული,  განვითარებული და კეთილმოწყობილი უბანია, სადაც ძველი სტილის არქიტექტურული ნაგებობები ერწყმის თანამედროვეს და ძველისა და ახლის სინთეზს ქმნის. მიუხედავად იმისა, რომ ვაკე თბილისს 1907 წელს შემოუერთდა, დღეს ერთ-ერთი ყველაზე პრესტიჟული უბანია.  შეიძლება ითქვას ესაა ქალაქის ცენტრი, რომელიც ცდილობს მის სტანდარტებზე ააწყოს ქალაქის რიტმი და მაჯისცემა, შესაბამისად, ვაკეში  როგორც კომერციული და საოფისე ფართები, ბინებიც საკმაოდ ძვირი ღირს. სწორედ დიდი მოთხოვნის გამო დეველოპერები ცდილობენ, ამ უბანში ერთი კვ.მ მიწაც კი არ დატოვონ აუთვისებელი და ააშენონ  მაღალი დონის საცხოვრებელი კომპლექსები.

რეკრეაციული თვალსაზრისით ვაკის პარკს განსაკუთრებული მნიშვნელობა ისტორია და დატვირთვა აქვს, ესაა 2000 ჰექტარზე გაშენებული პარკი, სადაც თაობები იზრდებოდნენ, უფროსები იკრიბებოდნენ და კოლორიტებად ყალიბდებოდნენ.

გადასაადგილებლად ვაკე ერთ-ერთი რთული ლოკაციაა, გამართულად მოძრაობს საზოგადოებრივი ტრანსპორტი, თუმცა საკუთარი ავტომობილით გადაადგილება არც თუ ისე სასიამოვნოა პროცესია.  საცობები და მანქანების ხმაური ცენტრალურ ქუჩებზე მაცხოვრებლების „თავის ტკივილია“.

საბურთალო

არქიტექტურული თვალსაზრისით ბევრად უფრო მრავალფეროვანია საბურთალო. ამ უბანში მრავლადაა როგორც მეორეული საცხოვრებელი კორპუსები და კერო სახლები, ასევე ახალაშენებული კომპლექსები. საბურთალო თბილისს, ვაკის შემდგომ, 1917 წელს შემოუერთდა, მას შემდეგ მიმდინარეობს მისი განაშენიანება - რეკრეაციული ზონების მოწყობა, სკოლებისა და ბაღების მშენებლობა. იგი იძლევა საშუალებას იცხოვრო ქალაქის ცენტრში და ამავდროულად იპოვო მყუდრო ნავსაყუდელი.

ბინები საბურთალოზე მარტივად იყიდება, რადგან აქ მრავალფეროვანი არჩევანია. ფასს ძირითადად ფართი და ბინის მდგომარეობა განსაზღვრავს, საერთო ჯამში შეიძლება ითქვას, რომ აქ სხვა ცენტრალურ უბნებთან შედარებით ფასები უფრო ხელსაყრელია, ადგილიც კარგია და ინფრასტრუქტურაც გამართული. 

კრწანისი

კრწანისი ერთ-ერთი მშვიდი და ცენტრალური უბანია თბილისში. ვაკე - საბურთალოსგან განსხვავებით აქ მანქანების გამუდმებული მოძრაობა არ შეინიშნება, სწორედ ამიტომ ეკოლოგიურად სუფთა გარემოა. ბოლო წლებში ამ უბანში დაიწყო ახალი საცხოვრებელი კომპლექსების და კორპუსების მშენებლობა. სასიამოვნო ხედები ერთიორად ჰმატებს ხიბლს ამ უბანში ცხოვრებას. ბინის ფასები ახალ ნაგებობებში საკმაოდ მაღალია, თუმცა, ნამდვილად ღირს გადაიხადო მეტი ეკოლოგიურად სუფთა ადგილში, სადაც გამართული ინფრასტრუქტურაა, არაა საზოგადოებრივი ტრანსპორტის ნაკლებობა და მოწყობილია  რეკრეაციული სივრცეები ბავშვებისა თუ უფროსებისთვის.

სოლოლაკი

სოლოლაკი თბილისის უძველესი, დიდი ისტორიის მქონე უბანია,  სადაც  ძირითადად ძველი აშენებული და იტალიური ტიპის სახლებია. თუმცა, ბოლო პერიოდში აქაც გამოჩნდა მულტიფუნქციური, საცხოვრებელი კომპლექსები. შესაძლოა არქიტექტორული თვალსაზრისით სოლოლაკს არ შეესაბამებოდეს ულტრა თანამედროვე დიზაინის შენობები, თუმცა, უნდა აღინიშნოს რომ ბინებს ასეთ ნაგებობებში საკმაოდ მაღალი ფასი აქვს, ვიდრე ძველ სახლებს. სოლოლაკიდან რამდენიმე წუთის სავალზეა ქალაქის სხვადასხვა პრესტიჟული უბანი, ძველი თბილისი, ქალაქის მთავარი მოედანი, მთაწმინდა.. სოლოლაკი ფეხით გადასაადგილებლად ერთ-ერთი საუკეთესო ლოკაციაა.

ავტორი: R (რეკლამა),

სოციალური ქსელები

უკრაინაში კიდევ ერთი ქართველი მებრძოლი ბაჩო ბებია დაიღუპა

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე