საქართველოს მესამე პრეზიდენტის, მიხეილ სააკაშვილის უფლებადამცველი ნიკა გვარამია უკრაინის გენერალურ პროკურატურას მიმართავს

ნიკა გვარამია ექს-პრეზიდენტის მიმართ გლდანის ციხეში გადაყვანის მუქარაზე საუბრობს და მოუწოდებს უწყებას, დაიწყოს გამოძიება. 

„ცუდად გახდომის უფლებაც აღარ აქვს სააკაშვილს. ზემოთმოყვანილი ტექსტი კი წამების მუქარაა, რაც ცალკე დანაშაულია.

მივმართავ უკრაინის გენერალურ პროკურატურას Генеральна прокуратура України:

წამება არის ექსტერიტორიული კონვენციური დანაშაული. წამების ჩამდენი პირის სისხლისსამართლებრივი დევნა სავალდებულოა უკრაინის ტერიტორიაზე, სადაც არ უნდა იყოს წამება ჩადენილი. ასევე, უკრაინის მოქალაქის წამების ფაქტზე, სავალდებულოა გამოძიების დაწყება და ეჭვმიტანილთა გამოვლენა, რომელი ქვეყნის მოქალაქეც არ უნდა იყოს და სადაც არ უნდა იმყოფებოდეს და რომელ თანამდებობაზეც.

შესაბამისად, როგორც მიხეილ სააკაშვილის ადვოკატი, მივმართავ უკრაინის გენერალურ პროკურატურას, დაიწყოს გამოძიება შესაბამისი პირების მიერ მიხეილ სააკაშვილის წამებაში უშუალოდ, თუ ბრძანების გაცემის, წაქეზების, ორგანიზების, არაადეკვატური მკურნალობის ან სხვა ფორმით ჩართული პირების გამოსავლენად და პასუხისგებაში მისაცემად.

ეს უკრაინის პროკურატურის ვალდებულებაცაა და ტერიტორიულადაც შეუზღუდავია ამ მხრივ მისი კომპეტენცია. იმ ფაქტის გათვალისწინებით, რომ საქართველოს პროკურატურა არათუ არ რეაგირებს სააკაშვილის წამებაზე, არამედ თავადაა ჩართული ამ ორკესტრირებულ დანაშაულში, ვფიქრობ, უკრაინის პროკურატურამ, გადაუდებლად უნდა მიმართოს მისი მანდატით, წამების კონვენციით და ადამიანის უფლებათა ევროპული კონვენციით გათვალისწინებულ სავალდებულო ღონისძიებებს.

აქვე, მოვუწოდებ უკრაინის სახალხო დამცველს, ზედამხედველობა გაუწიოს აღნიშნულ პროცესს», - წერს ნიკა გვარამია.

ავტორი: ექსპრესნიუსი,

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა