შუახევის მუნიციპალიტეტის მერიაში საგანგებო სიტუაციების მართვის სხდომა გაიმართა, რომელსაც უძღვებოდა შტაბის ხელმძღვანელი, მუნიციპალიტეტის მერი, ომარ ტაკიძე. 

უწყების ცნობით, შტაბის წევრებმა მუნიციპალიტეტში უხვი ნალექის შედეგად შექმნილ ვითარებასა და საჭიროების შემთხვევაში გასატარებელ ოპერატიულ ღონისძიებებზე იმსჯელეს.

"მუნიციპალიტეტის მთელ ტერიტორიაზე ამ დრომდე ინტენსიურად თოვს. ახალი თოვლის საფარი დაბალ ზონაში 30-40  სმ-ია, მაღალ ზონაში 60-80  სმ. 

ბათუმი-ახალციხის საავტომობილო გზის შუახევის მონაკვეთზე ტრანსპორტი შეუფერხებულად მოძრაობს. დილიდან, აჭარის საგზაო დეპარტამენტის მიერ, ინტენსიურად იწმინდება სოფლებთან მისასვლელი გზები. 

მაღალი ძაბვის გადამცემი ხაზების დაზიანების გამო, მოსახლეობას ელექტროენერგია შეფერხებით მიეწოდება. ამ დროისათვის 1800 აბონენტს აღუდგა ელექტროენერგიის მიწოდება. ტექნიკური ჯგუფების მიერ, მიმდინარეობს დაზიანებული   ხაზების აღდგენითი სამუშაოები.
მერიაში საგანგებო სიტუაციების მართვის შტაბი 24 საათიან რეჟიმში მუშაობს. მოქმედებს ცხელი ხაზი 08 000 000 08." - ნათქვამია მერიის მიერ გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

აშშ-მ განაცხადა, რომ ირანის წინააღმდეგ „ისტორიაში ყველაზე მკაცრ სანქციებს“ დააწესებს

გამოქვეყნდა მისამართები, სადაც საქართველოში სკოლის ფორმების შეძენაა შესაძლებელი.

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა