2021-12-21 15:27:51, 780 ნახვა

---

ნედ პრაისი – არც ერთ ქვეყანას, რამდენად დიდი და ძლიერიც უნდა იყოს, არ აქვს უფლება, დააშინოს პატარა ქვეყნები

არც ერთ ქვეყანას, რამდენად დიდი და ძლიერიც უნდა იყოს, არ აქვს უფლება, დაადგინოს საზღვრები, დააშინოს და აიძულოს პატარა ქვეყნები, – ამის შესახებ აშშ-ის სახელმწიფო დეპარტამენტის პრესსპიკერმა, ნედ პრაისმა ბრიფინგზე, რუსეთის საკითხზე საუბრისას განაცხადა.

"საკითხი ეხება საერთაშორისო წესრიგის ერთ-ერთ ფუნდამენტურ პრინციპს. ეს არის ის, რომ არც ერთ ქვეყანას, რაც უნდა დიდი და რაოდენ ძლიერი იყოს, რამდენ სამხედრო ძალას ფლობდეს, მიუხედავად იმისა, აქვს თუ არა ქვეყანას ბირთვული იარაღი, არც ერთ ქვეყანას არ აქვს უფლება, უკარნახოს საზღვრები, დააშინოს პატარა ქვეყნები და აიძულოს, რომ მისდიონ მის ინტერესებს. ამ პრინციპის დარღვევას არ დავუშვებთ", – განაცხადა ნედ პრაისმა.

ცნობისთვის, რუსეთი ნატო–ს მოუწოდებს, უარი თქვას გადაწყვეტილებაზე, რომ უკრაინა და საქართველო ალიანსის წევრები გახდნენ. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი