გურჯაანის ტექნოპარკში პრე-აქსელერაციის პროგრამის დემო დღე გაიმართა, რომელიც 3-20 დეკემბერს, კახეთის რეგიონში, კერძოდ კი გურჯაანსა და თელავში მიმდინარეობდა. ამბის შესახებ ინფორმაციას, საქართველოს ინოვაციებისა და ტექნოლოგიების სააგენტო ავრცელებს

უწყების ცნობით, პრე-აქსელერაციის პროგრამა საქართველოს ინოვაციების და ტექნოლოგიების სააგენტოს ორგანიზებითა და  ბიზნესისა და ტექნოლოგიების უნივერსიტეტთან თანამშრომლობით, საპილოტე რეგიონების ინტეგრირებული განვითარების პროგრამის ფარგლებში (#სრიგპ) განხორციელდა. კახეთის რეგიონში პროგრამა საერთო ჯამში ორმოცმა ადგილობრივმა გაიარა, სასწავლო კურსის ფარგლებში მონაწილეებმა გუნდების ფორმირება მოახდინეს კონკრეტული იდეების ირგვლივ და დემო დღეს ჟიურის წინაშე საკუთარი პროექტების პრეზენტაციით წარსდგნენ.

„ინტენსიური სწავლების ფარგლებში, მონაწილეებმა მიიღეს როგორც თეორიული, ისე  პრაქტიკული ცოდნა სტარტაპ ეკოსისტემის აქტიური წევრებისგან, სტარტაპების დამფუძნებლებისა და ეკოსისტემის გამოცდილი პროფესიონალებისგან, რაც ხელს შეუწყობს ამ ადამიანების ჩართვას საქართველოს სტარტაპ საზოგადოებაში და ეკოსისტემის აქტიური როლის ათვისებაში.

პრე-აქსელერაციის პროგრამა ხელს უწყობს რეგიონული ინოვაციური ეკოსისტემის განვითარებასა და ეკონომიკის პროდუქტიულობის დონის ამაღლებას, ადგილობრივი საწარმოების ინოვაციებისა და კვლევა-განვითარებისკენ მიმართული ღონისძიებების განხორციელების შესაძლებლობის ამაღლებას, მცირე და საშუალო საწარმოების შესაძლებლობების გაზრდას, ინოვაციური პროდუქტებისა და სერვისების გამოყენების გზით და სხვა“, - წერია განცხადებაში.

ავტორი: NS (სტატია დაფინანსებულია),

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება