გამიხარდება, თუ პენიტენციური, უკან წაიღებს იმ მცდელობას, რომ მიხეილ სააკაშვილს რაიმე ტიპის სანქცია დაეკისროს არარსებული დარღვევის გამო. - ასე ეხმაურება მიხეილს სააკაშვილის უფლებადამცველი პენიტენციური სამსახურის განცხადებას, სადაც ნათქვამია რომ  მიხეილ სააკაშვილის მიმართ არ არის გამოყენებული რაიმე სახის დისციპლინური ღონისძიება მის მიერ ჩადენილი დარღვევის გამო.

ამასთან ადვოკატი აცხადებს, რომ ვიდეოკადრებით, რაც გავრცელდა ნამდვილად ჰქონდა დანაშაულს ადგილი თუმცა არა სააკაშვილის, არამედ პენიტენციური სამსახურის მხრიდან.

"ეს შეზღუდვები თუ დადასტურება მათი არსებობა, და ამ დრომდე რასაც პენიტენციური სამსახური უარყოფს არის ბუნებრივია სრულიად უსაფუძვლო, უმიზეზო და უკანონო. მე ძალიან გამიხარდება, თუ პენიტენციური სამსახური ბოლო გავრცელებული განცხადების შინაარსს შეასრულებს, უკან წაიღებს იმ მცდელობას, რომ მიხეილ სააკაშვილს რაიმე ტიპის სანქცია დაეკისროს არარსებული დარღვევის გამო.

ისიც უნდა აღინიშნოს, რომ იმ ფონზე, როცა ჩვენ არ გვინახავს არცერთი პირი სახდელდადებული ან დასჯილი ე.წ. შუმოკების გამო, რომელიც მათ შორის ადვოკატებს მოუწყვეს, არ გვინახავს არცერთი პირი დასჯილი იმის გამო, რაზეც სახელმწიფო ინსპექტორმა დარღვევა დაადგინა, არ გვინახავს არცერთი პირი დასჯილი იმის გამო, რომ მიხეილ სააკაშვილის მიმართ არაადამიანურ მოპყრობას ჰქონდა ადგილი, სასაცილოა, როცა სახელმწიფოს მხრიდან ვისმენთ პოზიციას, რომ მიხეილ სააკაშვილი თითქოს უნდა დაისაჯოს არარსებული დარღვევისა და გადაცდომის გამო. ამას თავისი შედეგები ექნება. ვფიქრობ, ამ შედეგებზე პენიტენციურმა სამსახურმაც იფიქრა, სამწუხაროა, რომ მას შემდეგ, რაც სცადეს ამის გაკეთება. უნდა აღინიშნოს ვიდეოკადრებს, რაც გავრცელდა დანაშაულს ქონდა ადგილი არა მიხეილ სააკაშვილის მხრიდან, არამედ პენიტენციური სამსახურის მხრიდან მათ იძულებით გადაიყვანეს გლდანის დაწესებულებაში და ეს ნამდვილად არის სისხლის სამართლის დანაშაული.", - თქვა შოთა თუთბერიძემ.

ცნობისთვის, გუშინ მიხეილ სააკაშვილმა განცხადება გაავრცელა, სადაც ნათქვამია, რომ მის წინააღმდეგ დისციპლინარული ზომების მიღების გამო, ყველანაირ სამედიცინო მკურნალობას წყვეტს. 

ავტორი: ექსპრესნიუსი,

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა