ყველასთვის ნათელია, რომ პროკურატურა ამ საქმეში ბრალდების მხარეს არ წარმოადგენს, ის წარმოადგენს „ქართულ ოცნებას“,- ამის შესახებ ადვოკტმა ბექა ბასილაიამ საქართველოს მესამე პრეზიდენტის, მიხეილ სააკაშვილის ე.წ პიჯაკების საქმის სასამართლო სხდომის დასრულების შემდეგ განაცხადა.

როგორც ბასილაიამ აღნიშნა, მიხეილ სააკაშვილმა დღევანდელი სიტყვით წერტილი დაუსვა ყველა იმ ინსინუაციას, რაც ამ საქმეზე წარმოდგენილ ხარჯებს ეხება.

მისივე თქმით, ყველას, ვისაც ჰგონია, რომ პრეზიდენტი სამედიცინო პროცედურებს საკუთარი ხარჯით უნდა იკეთებდეს, უმაღლეს მთავარსარდალზე წარმოდგენა არ აქვს.

 „დღევანდელ პროცესზე იყო მასმედიის არაერთი წარმომადგენელი, მათ შორის, მიხეილ სააკაშვილის მიმართ კრიტიკულად განწყობილი მედიის წარმომადგელები. დღევანდელი პროცესის მერე, ყველასთვის ნათელია, რომ პროკურატურა ამ საქმეში ბრალდების მხარეს არ წარმოადგენს, ის წარმოადგენს „ქართულ ოცნებას“. რაც შეეხება მიხეილ სააკაშვილის სიტყვას, ეს სიტყვა იყო ძალიან დიდი საზოგადოებრივი მნიშვნელობის მატარებელი და ამავე დროს, მიხეილ სააკაშვილის სიტყვამ წერტილი დაუსვა სულ ყველა ინსინუაციას, რაც ამ საქმეზე წარმოდგენილ ხარჯებს ეხება. ელემენტარული, ბოტოქსი-ბოტოქსიო, რომ გაიძახინ, მიხეილ სააკაშვილმა ძალიან მკაფიოდ ახსნა, თუ რა სამკურნალო საშუალებებთან დაკავშირებით იყო ეს ხარჯი გაწეული და თუ ვინმე ფიქრობს, რომ საქართველოს პრიზიდენტი, იქნება ეს გიორგი მარგველაშვილი, სალომე ზურაბიშვილი თუ მიხეილ სააკაშვილი, სამედიცინო პროცედურებს უნდა იტარებდეს თავისი 3 000-ლარიანი ხელფასით, მაშინ ჩვენ უმაღლეს მთავარსარდალზე წარმოადგენა არ გვქონია“, - განაცხადა ბექა ბასილაიმ.

ავტორი: ექსპრესნიუსი,

სოციალური ქსელები

Bloomberg - ევროპამ უარი თქვა რუსეთის უსაფრთხოების მოთხოვნების განხილვაზე მანამ, სანამ უკრაინაში ომი არ დასრულდება

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ