|
2021-12-01 14:44:45, 554 ნახვა
საზოგადოება
ეკატერინე ტიკარაძის ხელმძღვანელობით, ჯანდაცვის სამინისტროში, იმუნიზაციის საბჭო გაიმართა
ჯანდაცვის სამინისტროს ინფორმაციით, ეკატერინე ტიკარაძის ხელმძღვანელობით, იმუნიზაციის საბჭო გაიმართა. უწყების ცნობით, მხარეებმა COVID-19-ის ახალი შტამი - ომიკრონი, მის მიმართ ვაქცინაციის ეფექტურობა, დაავადების მიმდინარეობა და საერთაშორისო გამოცდილება განიხილეს. მათივე ინფორმაცით, ისაუბრეს ე .წ. ბუსტერ დოზის გაკეთების ვადებთან დაკავშირებულ საკითხებზე. კერძოდ, ექსპერტთა ჯგუფი უახლოეს მომავალში გასცემს შესაბამის რეკომენდაციას, „ბუსტერ“ დოზის გაკეთების ვადის, 6-დან 5 თვემდე შემცირების თაობაზე. შეხვედრაზე მხარეებმა ბოლო დღეებში ვაქცინაციის მაჩვენებლის მატებაც განიხილეს და აღნიშნეს, რომ ეს 60 წელს ზემოთ მოქალაქეების ფინანსურ წახალისებასა და ე.წ. მწვანე საშვების გააქტიურებას უკავშირდება. „პანდემიის ეფექტური მართვისა და ბიზნესისა და მოქალაქეების მიერ სერვისების შეუფერხებლად მიღება-მიწოდების მიზნით, ჯანდაცვის სამინისტროს მიერ შექმნილია ორი სპეციალური აპლიკაცია - CovidPass Georgia და Georgia e-Health. აღნიშნული აპლიკაციის გამოყენება შესაძლებელია სხვადასხვა დაწესებულებებში შესვლისა და ღონისძიებებზე დასწრების მიზნით. გარდა ამისა, დაიწყო აქტიური მუშაობა მწვანე სერტიფიკატებზეც, რომელიც იმ ობიექტებს გადაეცემათ, სადაც დასაქმებულთა დიდი უმრავლესობაა ვაქცინირებული. საბჭო კიდევ ერთხელ მიმართავს მოქალაქეებს, აქტიურად ჩაერთონ ვაქცინაციის პროცესში, ატარონ პირბადე და დაიცვან სოციალური დისტანცია. პირველი დეკემბრის მონაცემებით, საქართველოში სულ 2 183 335 აცრაა ჩატარებული. COVID-19-ის საწინააღმდეგო ვაქცინაცია ინფექციისაგან თავდაცვის ეფექტური და უსაფრთხო საშუალებაა! ჯანმრთელობის მსოფლიო ორგანიზაცია, საზოგადოებრივი ჯანდაცვის უწყებები და კვალიფიციური ექიმები რეკომენდაციას უწევენ COVID-19-ის საწინააღმდეგო ვაქცინაციას.“ - ნათქვამია ინფორმაციაში.
საქართველოში უფრო მეტი ადამიანი დაუსაქმებელი რჩება, დასაქმების დონე 0.2 პროცენტული პუნქტით შემცირდა
მეუფე იოანე - აშკარაა, რომ გამოცდილება მეუფე შიომ მიიღო უშუალოდ პატრიარქთან ურთიერთობისას
მეუფე ანდრია - 3 კანდიდატია და სამივე მოსალოდნელია პატრიარქი გახდეს
ბაზისბანკის მხარდაჭერით ახალი მასშტაბური კომპლექსი EZO კოლოსისგან შენდება
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
პუტინს სჯერა რომ უკრაინაში აგრესიულ ომს მალე დაასრულებს და უკრაინის შეიარაღებულ ძალებს გაანადგურებს
რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა
ვიდეო/LIVE პატრიარქის ილია მეორის დაკრძალვა - პირდაპირი
|


ავტორი: NS (სტატია დაფინანსებულია),



epn.ge (@expressnews.ge)