გუშინ ვიხილეთ დიქტატორი, რომელიც მისტირის ჭარბ ძალაუფლებას, რომელსაც წლების მანძილზე, ბოროტად იყენებდა, – ამის შესახებ "ქართული ოცნების" თავმჯდომარემ, ირაკლი კობახიძემ ექს–პრეზიდენტის, მიხეილ სააკაშვილის სასამართლო სხდომაზე სიტყვით გამოსვლის შეფასებისას განაცხადა.

როგორც კობახიძემ აღნიშნა, სააკაშვილმა ვერ აღასრულა ის გეგმა, რომელიც ჰქონდა დაგეგმილი საქართველოში ჩამოსვლისას, რადგან სახელმწიფო დგას მოწოდების სიმაღლეზე.

"სააკაშვილის გუშინდელმა გამოსვლამ ალბათ, ყველას გაგვახსენა მარკესის ცნობილი ნაწარმოები "პატრიარქის შემოდგომა" – გუშინ ჩვენ ვიხილეთ ყოფილი დიქტატორი, რომელიც მისტირის ჭარბ ძალაუფლებას, რომელიც მას თავის დროზე ჰქონდა და წლების მანძილზე, ბოროტად იყენებდა. გარდა იმისა, რომ მას აქვს ჩადენილი წარსულში დანაშულებები, ის დღესაც, დღემდე, არის საზოგადოებრივად საშიში. ჩვენ რომ დავუშვათ თეორიულად ის, რა თქმა უნდა ეს ვერ მოხდებოდა, მას რომ განეხორციელებინა ის გეგმა, რომლითაც ჩამოვიდა საქართველოში, ტრაილერით, მაცივრით, პროდუქტებთან ერთად, მაშინ შესაცოდი იქნებოდა ჩვენი ქვეყანა და ხალხი, მაგრამ კიდევ გავიმეორებ, ეს არის მხოლოდ თეორიული დაშვება და ეს ვერ მოხდებოდა, გამომდინარე იქიდან, რომ ხელისუფლება დგას მოწოდების სიმაღლეზე და სისტემა მუშაობს ისე, როგორც უნდა მუშაობდეს", – განაცხადა კობახიძემ. 

ავტორი: ექსპრესნიუსი,

სოციალური ქსელები

Bloomberg - ევროპამ უარი თქვა რუსეთის უსაფრთხოების მოთხოვნების განხილვაზე მანამ, სანამ უკრაინაში ომი არ დასრულდება

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ