ინტერპოლის ახალ პრეზიდენტად არაბეთის გაერთიანებული საემიროების შინაგან საქმეთა სამინისტროს გენერალური ინსპექტორი, გენერალ-მაიორი აჰმედ ნასერ ალ-რაისი აირჩიეს. ამის შესახებ, ორგანიზაცია Twitter-ის ოფიციალურ გვერდზე იტყობინება.

ალ-რაისი ინტერპოლის ხელმძღვანელად, ოთხი წლის ვადით აირჩიეს. კენჭისყრა სამ ტურად ჩატარდა, გენერალ-მაიორმა ორგანიზაციის წევრი ქვეყნების წარმომადგენელთა ხმების 68,9% მიიღო.

მან ამ თანამდებობაზე სამხრეთ კორეელი კიმ ჩენ იანი შეცვალა.

ინტერპოლში ალ-რაისი ძირითადად ცერემონიალურ როლს შეასრულებს, რეალურ მენეჯმენტს ახორციელებს მისი გენერალური მდივანი იურგენ შტოკი.

მანამდე, სპარსეთის ყურის ქვეყნების ადამიანის უფლებათა ცენტრის იურისტებმა საფრანგეთსა და თურქეთში რამდენიმე სარჩელი შეიტანეს ალ-რაისის წინააღმდეგ წამების ბრალდებებთან დაკავშირებით. მათ გენერალი დაადანაშაულეს არაბეთის გაერთიანებული საემიროების უფლებადამცველის აჰმედ მანსურის უკანონო დაკავებასა და წამებაში, რომელსაც შემდგომში მიესაჯა 10 წლით თავისუფლების აღკვეთა.

გარდა ამისა, ბრიტანელმა მეცნიერმა მეთიუ ჰეჯსმა სარჩელი შეიტანა ლუდ ლონდონში, სადაც ალ-რაისი და არაბეთის გაერთიანებული საემიროების სამი სხვა მაღალჩინოსანი 2018 წელს უკანონო დაკავებასა და წამებაში დაადანაშაულა.

ავტორი: ექსპრესნიუსი,

სოციალური ქსელები

უკრაინამ ვლადიმირში, Yandex-ის ერთ-ერთი უდიდესი მონაცემთა ცენტრის ხუთ შენობაში იერიში მიიტანა

ნატოს ქვეყნები უკრაინაში ჯარების განლაგებასთან დაკავშირებით წვრთნებს ჩაატარებენ

საფრანგეთის ხელისუფლებამ პოგრომების გამო კომენდანტის საათი დააწესა

საქართველოში 3.941 მილიონი ადამიანი ცხოვრობს - ყველაზე მრავალრიცხოვანი 35-39 ასაკის, ყველაზე მცირერიცხოვანი ერთ წლამდე