„სოციალური დახმარების მიმღები ხუთასი ათასი პირიდან, 200 ათასზე მეტი შრომისუნარიანია; მინიმუმ, 200 ათას ადამიანს  შესწევს უნარი ესა თუ ის სამუშაო შეასრულოს, მაგრამ ამას სჭირდება სწორი ორგანიზება და, რა თქმა უნდა, მეტი ძალისხმევა სახელმწიფოს მხრიდან. ძალიან ბევრი რამ უკვე გაკეთდა ჯანდაცვის სამინისტროს მიერ - შემუშავებული და შექმნილია ელექტრონულ მონაცემთა ბაზები”, -განაცხადა ვიცეპრემიერმა, გარემოს დაცვისა და სოფლის მეურნეობის მინისტრმა, ლევან დავითაშვილმა რუსთავი 2-ის პირდაპირ ეთერში.

როგორც მინისტრმა აღნიშნა, 200 ათასი ადამიანის საზოგადოებრივ შრომაში ჩართვა აბსოლუტურად რეალურია და ამის მაგალითები არსებობს; გერმანიაში, ჩეხეთში,  უნგრეთში, სლოვაკეთში, პოლონეთში და ა.შ.,  ბევრ ქვეყანაში,  სხვადასხვა ფორმით. „ევროკავშირს ადამიანის უფლებების დაცვის კუთხით ყველაზე მაღალი სტანდარტი გააჩნია. ჩვენც გვინდა, რომ ზუსტად ამ მიმართულებით წავიდეთ. 200 ათასი  ადამიანი ძალიან დიდი სამუშაო ძალაა, რომელიც შეიძლება ქმნიდეს ღირებულებას; ამავე დროს, ძალიან მნიშვნელოვანია, რომ მათი ეკონომიკური და სოციალური მდგომარეობა უმჯობესდებოდეს და არა უარესდებოდეს. ამიტომ, პროგრამის არსი არ არის იმ საბიუჯეტო ხარჯების დაზოგვა, რომელსაც დღეს სოციალურ დახმარებებში ვხარჯავთ, არამედ მათი უფრო სწორად და შესაბამისად გამოყენებით, უნდა შევქმნათ დამატებითი ღირებულებები”, - აღნიშნა ლევან დავითაშვილმა.

ავტორი: NS (სტატია დაფინანსებულია),

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა