ახალგაზრდა კაილ რიტენჰაუსი რომელმაც აშშ-ში ვისკონსის შტატში BLM-ის აქციაზე ორი ადამიანი მოკლა და ერთი დაჭრა, ხუთივე წარდგენილ ბრალდებაში  უდანაშაულოდ ცნეს. გადაწყვეტილება ქალაქ კენოშის სასამართლოს ნაფიცმა მსაჯულებმა გამოიტანეს. რიტენჰაუსმა 2020 წლის აგვისტოში კენოშაში, ვისკონსინის შტატში, BLM-ის არეულობის დროს ესროლა და მოკლა ორი მამაკაცი და დაჭრა მესამე.

მას ბრალი ხუთი ბრალდებით ქონდა წარდგენილი: პირველი ხარისხის გაუფრთხილებლობით მკვლელობა, პირველი ხარისხის განზრახ მკვლელობა, პირველი ხარისხის განზრახ მკვლელობის მცდელობა და ორი ბრალდება პირველი ხარისხის გაუფრთხილებლობით უსაფრთხოებისთვის.

რიტენჰაუსი 17 წლის იყო, როდესაც მან მოკლა ჯოზეფ როზენბაუმი და ენტონი ჰუბერი არეულობების დროს, რიტენაჰაუსმა სროლის ღამეს გამოიყენა AR სტილის ნახევრად ავტომატური შაშხანა 16 დიუმიანი ლულით. ბრალდებულის ადვოკატები მთელი პროცესის განმავლობაში ამტკიცებდნენ, რომ მან იარაღი ისროლა თავდაცვის მიზნით, რადგან გაბრაზებული ბრბო მას მოკვლით ემუქრებოდა.

პროკურორები ამტკიცებდნენ, რომ რიტენჰაუსს არ სჭირდებოდა იარაღის სროლა ძალადობის დროს.

“მან არ ამოწურა თავისი მოვალეობა უკან დახევის შესახებ, მან არ ამოწურა თავისი ყველა ვარიანტი”, – თქვა ოლქის პროკურორის თანაშემწემ ჯეიმს კრაუსმა.

რიტენჰაუსმა სასამართლოს განუცხადა, რომ იგი წავიდა კენოშაში, რათა გაეწია პირველადი დახმარება და დაეცვა საკუთრება მძარცველებისგან და აღწერდა, როგორ დაემუქრა მას ადრე მოკვლით ერთ-ერთი მამაკაცი, ჯოზეფ როზენბაუმი და სცადა თოფის ხელში ჩაგდება.

„თუ მისტერ როზენბაუმს მივცემდი ნებას, რომ ჩემი ცეცხლსასროლი იარაღი წაეღო, ის გამოიყენებდა მას და მომკლავდა ამით და ალბათ უფრო მეტ ადამიანს მოკლავდა, თუ მივცემდი მას უფლებას ჩემი იარაღი მიეღო“, – მოწმობს რიტენჰაუსი.
სასამართლო განხილვების დროს გაირკვა რომ მოზარდი სოციალურ ქსელებში აქტიური იყო  Facebook-ზე განთავსებული ლოგო წარწერით „ლურჯი სიცოცხლე მნიშვნელოვანია“ აჩვენებს, რომ პოლიციის მხარდამჭერ აქციებზე ხშირად გამოდიოდა. ერთ-ერთ სტატუსში კი ამბობდა,  "იარაღმა უნდა გაისროლოს".
აღსანიშნავია, რომ კენოშის მოსამართლე ბრიუს შრედერი კონსერვატორია. იგი აშშ-ს კონსტიტუციის მეორე შესწორების დამცველად ითვლება. 
განაჩენს პროტესტი მოყვა. სასამართლოს წინ შეკრებილი მოქალაქეები მკვლელობაში ბრალდებულის მკაცრად დასჯას ითხოვდნენ, განაჩენის გამოცხადების შემდეგ, კომენტარი გააკეთა აშშ-ს პრეზიდენტმა ჯო ბაიდენმაც, რომელმაც თქვა, რომ მიუხედავად იმისა რომ განაჩენი არ მოსწონს, ყველამ უნდა სცეს პატივი ნაფიცი მსაჯულების გადაწყვეტილებას. 

ავტორი: ექსპრესნიუსი,

სოციალური ქსელები

უკრაინამ ვლადიმირში, Yandex-ის ერთ-ერთი უდიდესი მონაცემთა ცენტრის ხუთ შენობაში იერიში მიიტანა

ნატოს ქვეყნები უკრაინაში ჯარების განლაგებასთან დაკავშირებით წვრთნებს ჩაატარებენ

საფრანგეთის ხელისუფლებამ პოგრომების გამო კომენდანტის საათი დააწესა

საქართველოში 3.941 მილიონი ადამიანი ცხოვრობს - ყველაზე მრავალრიცხოვანი 35-39 ასაკის, ყველაზე მცირერიცხოვანი ერთ წლამდე