თბილისის მერიის მხარდაჭერით, 12, 13, 14 ნოემბერს, „სიზმარი“ რიგით მესამე მულტიმედია ინსტალაციების გამოფენას წარმოადგენს, რომელიც სხვადასხვა სფეროში მომუშავე ექვსმა ხელოვანმა შექმნა.

პროექტი ინდივიდის, სოციუმისა და ბუნების ჰარმონიას ეხება, შთაგონების მთავარი წყარო კი ოქროს კვეთის სპირალია. სპირალის თბილისის რუკაზე მორგებით, სხვადასხვა უბანში ექვსი საგამოფენო ადგილი შეირჩა.

გამოფენა ორ ნაწილად იყოფა: ბუნება და სოციუმი. ბუნების გამოსახატად გამოყენებულია ბუნებრივი მასალები. „სიზმარში“ მოსული ადამიანები, ტექნოლოგიების დახმარებით, აცოცხლებენ ინსტალაციებს და ერთად ქმნიან პროექტის მეორე ნაწილს - სოციუმს. შედეგად, შემთხვევით, თუ დაგეგმილად ჩართულ ადამიანებთან ერთად, იქმნება სოციუმის და ბუნების ჰარმონიის მომენტი.

პროექტში მონაწილეობენ შემდეგი არტისტები: ლევან აბრამიშვილი, დოდო ჩხეიძე, გიორგი კობერიძე, მაჟა მარი, ლევან ქუთათელაძე, ლიზა რომანოვსკა.

„ყველა მოძრაობას აქვს ბოლო, თუმცა, ზოგჯერ ეს ბოლო დანიშნულების წერტილია, რომელიც გაჩვენებს მომენტს. ამ მომენტს დიდი ხნის განმავლობაში ელოდი. მნიშვნელობა არ აქვს საიდან მოდიხარ და როგორ. მთავარია, ყველა საჭირო ეპიზოდი გაიარო. მთელი გამოვლილი გზა, რომელიც ქაოტური ჩანდა, ლაგდება. იხსნება პერსპექტივა. თითოეული სურათი, რომელიც გზად შეგხვდა, თითოეული ხმა და სახე, ახლებურ მნიშვნელობას იძენს. ყველა მოვლენას თანმიმდევრულად უბრუნდები. გამოვლილი ადგილები და შემხვედრი ადამიანები ერთი მთლიანობის ნაწილი ხდებიან. ხვდები, რომ არათუ გზას მიყვებოდი, არამედ თავად ქმნიდი ამ მოვლენისთვის საჭირო ეფექტებს და ნიშნებს, რომლებიც გზის ბოლოს იყრიან თავს და უნიკალურ მომენტში სიზმარივით ცხადდებიან“, - ამგვარად განმარტავენ პროექტის მონაწილეები შეგრძნებების მულტიმედია ინსტალაციების გამოფენას.

პროექტის მხარდამჭერები:

თბილისის მერია და D-Block.

პარტნიორები:

Neotech, Silknet, Zoomer, Schroll, ქარი, Cavea Cinemas, Metro Production.

ინსტალაციების მისამართები იხილეთ ვებგვერდზე: www.sizmari.art.

ავტორი: NS (სტატია დაფინანსებულია),

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა