გარემოს დაცვისა და სოფლის მეურნეობის მინისტრი ლევან დავითაშვილი საქართველო-ჩინეთის ეკონომიკური, სავაჭრო და კულტურული ფორუმის მონაწილეებს ვიდეო მიმართვით მიესალმა. 

ფორუმი ჩინეთის სახალხო რესპუბლიკის ქალაქ შანხაიში, China International Import Expo-ს ფარგლებში, საქართველოს საგარეო ვაჭრობის ასოციაციის ორგანიზებით გაიმართა.

ლევან დავითაშვილმა მისასალმებელ სიტყვაში საქართველო-ჩინეთის ურთიერთობების მნიშვნელობაზე, საერთო კულტურულ ღირებულებებზე, აბრეშუმის გზის ფარგლებში სავაჭრო ურთიერთობების განვითარების პერსპექტივებზე ისაუბრა. მინისტრმა ხაზი გაუსვა საქართველოსათვის მეღვინეობის მნიშვნელობას, როგორც მისი ისტორიის, აგროკულტურის და ეკონომიკის განუყრელ ნაწილს. ლევან დავითაშვილმა აღნიშნა, რომ ქართული ღვინის კულტურა არის უნიკალური, გააჩნია მსოფლიოში უძველესი ისტორია და გამორჩეულია როგორც ყურძნის უნიკალური ჯიშებით, ასევე ღვინის ქვევრში დაყენების უნიკალური მეთოდით, რომელიც იუნესკოს მიერ არამატერიალურ კულტურულ მემკვიდრეობად არის აღიარებული. მინისტრი ასევე შეეხო „დუგლაძეების ღვინის კომპანიის“ და „ფენჯიუ ჯგუფის“ ერთობლივ სასაჩუქრე პროდუქტის წარდგენას და აღნიშნა, რომ მსგავსი პროექტების განხორციელება აუცილებლად მოახდენს ხარისხიანი ქართული ღვინის პოპულარიზაციას ჩინეთის სახალხო რესპუბლიკაში და პოზიტიურად აისახება საქართველოს გეგმებზე, გააღრმავოს თანამშრომლობა და მეგობრობა ორ ქვეყანას შორის.

სიტყვის დასასრულს, მინისტრმა მადლობა გადაუხადა საქართველოს საგარეო ვაჭრობის ასოციაციას და აბრეშუმის გზის საერთაშორისო სავაჭრო პალატას.

ღონისძიებას საქართველოს საგანგებო და სრულუფლებიანი ელჩი ჩინეთის სახალხო რესპუბლიკაში არჩილ კალანდია და დესპანი დავით პიპინაშვილი ესწრებოდნენ.

ავტორი: NS (სტატია დაფინანსებულია),

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს