2021-11-08 12:27:51, 1184 ნახვა

---

აჭარის ჯანდაცვის მინისტრის მოადგილე ხელვაჩაურის მუნიციპალიტეტში სამედიცინო ამბულატორიაში კოვიდსაწინააღმდეგო ვაქცინაციის პროცესს ადგილზე გაეცნო

აჭარის ა/რ ჯანმრთელობისა და სოციალური დაცვის მინისტრის მოადგილე, მარი ზანაქიძე, აჭარის საზოგადოებრივი ჯანდაცვის ცენტრის ხელმძღვანელთან, რუსუდან შავიშვილთან და საზოგადოებრივი ჯანდაცვის ხელვაჩაურის განყოფილების უფროსთან, ნატო ნაკაშიძესთან ერთად, ხელვაჩაურის მუნიციპალიტეტის სარფის სამედიცინო ამბულატორიაში კოვიდსაწინააღმდეგო ვაქცინაციის პროცესს ადგილზე გაეცნო.

სოფლად ვაქცინაციის ფარგლებში, კოვიდსაწინააღმდეგო იმუნიზაცია რეგიონის ყველა ამბულატორიასა და თემის სამედიცინო პუნქტში, ადგილობრივი თვითმმართველობების მხარდაჭერით ტარდება. ადგილობრივებისთვის ხელმისაწვდომია ფაიზერის, სინოფარმისა და სინოვაკის ვაქცინები. სოფლად მცხოვრებ მოსახლეობას შესაძლებლობა აქვს სერვისით სახლთან ახლოს, სოფლიდან გაუსვლელად, უახლოეს სამედიცინო პუნქტში ისარგებლოს.

ამ დროისათვის, სოფლად ვაქცინაციის ფარგლებში, გასული ერთი თვის განმავლობაში ადმინისტრირებულია 1 789 ვაქცინა.

ჯამში, აჭარაში სულ - ჩატარებულია 219 389 დოზა ვაქცინა. მათ შორის: I დოზით აცრილია- მოსახლეობის 32.5 %, 18 წელს ზემოთ 42.7 %; II დოზით - მოსახლ 29.2 %, 18 წელს ზემოთ 38.4 %; ხოლო სამიზნე ჯგუფის - 63.9 %.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი