2021-11-04 16:49:27, 513 ნახვა

---

თამარ გაბუნიას განცხადებით, ე.წ მწვანე პასპორტის შემოღების შემთხვევაში, არსებული რეგულაციები ძალაში დარჩება

ჯანდაცვის მინისტრის მოადგილის თამარ გაბუნიას განცხადებით, ე.წ. მწვანე პასპორტის მექანიზმის დანერგვის შემთხვევაში, ყველა დაწესებული კოვიდრეგულაცია, ძალაში დარჩება.

მისივე თქმით, ე.წ მწვანე პასპორტი ვერც ერთ დაწესებულ რეგულაციას ვერ ჩაანაცვლებს.

"ჩვენ ვსაუბრობთ, ე.წ. მწვანე საშვის, მწვანე პასპორტის მექანიზმზე, რომელიც ითვალისწინებს გარკვეულწილად ეპიდუსაფრთხოებაზე დამატებით მოთხოვნებს, მათ შორის, ვაქცინაციაზეც მოთხოვნას. ეს რამდენად იქნება დადებითი სტიმული ვაქცინაციის ქცევისთვის, რთული სათქმელია. მწვანე პასპორტის შემთხვევაში, ყველა ის რეგულაცია, რომელიც დაწესებულია კოვიდის მართვისთვის, ძალაში რჩება. მწვანე პასპორტი ვერცერთ შემთხვევაში, ვერ ჩაანაცვლებს ვერცერთ რეგულაციას,“- განაცხადა გაბუნიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი