2021-10-25 14:37:11, 805 ნახვა
პოლიტიკა
ირაკლი კობახიძე - რომელი ნესტან-დარეჯანი სააკაშვილია, რომ ვიღაცამ სადღაც ციხიდან გამოიხსნას?
რომელი ნესტან-დარეჯანი სააკაშვილია, რომ ვიღაცამ სადღაც ციხიდან გამოიხსნას?, - ასე ეხმაურება „ქართული ოცნების“ თავმჯდომარე, ირაკლი კობახიძე პრემიერ-მინისტრ ირაკლი ღარიბაშვილის განცხადებას, რომ ექს-პრეზიდენტს აქვს გეგმა, რომლის მიხედვითაც კერძო კლინიკაში გადაყვანის შემთხვევაში, 30 ოქტომბერს მხარდამჭერები მას საავადმყოფოდან გაიყვანენ.
მისივე თქმით, მიხეილ სააკაშვილი პასუხისმგებელია შიმშილობაზე, იუსტიციის სამინისტრო კი, შიმშილობის გამო გართულებაზე რეაგირებაზე.
„შესაბამისი უწყება, იუსტიციის სამინისტრო აიღებს ამაზე პასუხისმგებლობას. თვითონ შიმშილობაზეა პატიმარი პასუხისმგებელი, მაგრამ ამ შიმშილობის გამო გართულებაზე რეაგირება იუსტიციის სამინისტროს პასუხისმგებლობა და ბუნებრივია, უწყება იმოქმედებს ამ პასუხისმგებლობის გათვალისწინებით“
ავტორი: ექსპრესნიუსი,
epn.ge (@expressnews.ge)
