საქართველოს მესამე პრეზიდენტის, მიხეილ სააკაშვილის ადვოკატი არ გამორიცხავს, რომ ექს–პრეზიდენტის ჯანმრთელობის მდგომარეობა მომდევნო დღეებში გაუარესდეს.

როგორც დიმიტრი საძაგლიშვილმა აღნიშნა, მიხეილ სააკაშვილის მოთხოვნაა რომ მასთან პირადი ექიმი შეუშვან, თუმცა მანვე დასძინა, რომ არ არის გამორიცხული, ხელისუფლებამ არ მისცეს სააკაშვილის პირად ექიმს სასჯელაღსრულების დაწესებულებაში შესვლის შესაძლებლობა. 

"გამომდინარე იქიდან, რომ მიხეილ სააკაშვილის მდგომარეობა თანდათან უარესდება და ეს ლოგიკურიცაა, მომდევნო დღეებში კიდევ უფრო გაუარესდება ალბათ, ამ პირობებში, სასიცოცხლოდ აუცილებელია, რომ მის პირად ექიმს ჰქონდეს შესაძლებლობა მოინახულოს მიხეილ სააკაშვილი. პატიმარი შიმშილობს და ასეთ განცხადებებზე დაუყოვნებლივ უნდა ხდებოდეს რეაგირება", – განაცხადა ადვოკატმა.

მისი მოთხოვნაა, ნიკა ყიფშიძეს ჰქონდეს შესაძლებლობა მასთან ვიზიტის განხორციელების. გამორიცხული არაფერი არ არის, რადგან კარგად ვიცით, როგორ იქცევა "ქართული ოცნების" ხელისუფლება მიხეილ სააკაშვილთან მიმართებაში, შესაბამისად, შეიძლება საერთოდ არ მისცენ ნებართვა, თუმცა ცხადია, ეს იქნება ადამიანის უფლებების მძიმე დარღვევა, იმ პირობებში, როდესაც პატიმარი შიმშილობს", – აღნიშნა ადვოკატმა.

ავტორი: ექსპრესნიუსი,

სოციალური ქსელები

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს