„ჩვენ ვაძლევთ შესაძლებლობას განსაკუთრებით ახალგაზრდა, კრეატიულ ადამიანებს, შექმნან ჯგუფები, ახალი იდეებით წარმოჩინდნენ და მოიზიდონ ინვესტორები. ეს ინდუსტრია ამ ბოლო დროს გახდა ძალიან მოთხოვნადი, საკმაოდ დიდ ლოკომოტივად იქცა ჩვენი ეკონომიკის და  ერთ-ერთი მნიშვნელოვანი საექსპორტო მიმართულებაა, ამიტომ მომავალი არის სწორედ ინოვაციების, სტარტაპების და ჩვენ, ხელისუფლება ყოველთვის გვერდში დავუდგებით ამ მიმართულებას" - ამის შესახებ ნათია თურნავამ ბათუმში, ეკონომიკის სამინისტროს ინოვაციებისა და ტექნოლოგიების სააგენტოს თანადაფინანსების გრანტების პროგრამის დაჯილდოებაზე განაცხადა, სადაც 246 აპლიკანტს შორის 20 გამარჯვებული სტარტაპი გამოვლინდა. თითოეული მათგანი 100 ათასი ლარის ოდენობის გრანტს მიიღებს.

მინისტრის შეფასებით, ძალიან მნიშვნელოვანია, რომ მთავრობის ძალისხმევა, გვერდში დაუდგეს და განავითაროს სტარტაპ ეკოსისტემა,  პირველ შედეგებს იძლევა.

„მიუხედავად პანდემიისა, განსაკუთრებით ამ ბოლო ორ წელიწადში ჩვენი ადგილობრივი სტარტაპები განსაკუთრებული კონკურენტუნარიანობით გამოირჩევიან, ამაზე მეტყველებს ის წარმატება, რასაც ისინი გლობალურ ბაზარზე აღწევენ, სულ მოკლე ხანში ვითარდებიან და იზიდავენ მილიონობით ახალ ინვესტიციებს" - აღნიშნა ნათია თურნავამ.

ინოვაციების და ტექნოლოგიების სააგენტომ  თანადაფინანსების გრანტების პროგრამა 2021 წლის 23 ივნისს მეშვიდედ გამოაცხადა. პროგრამას სააგენტო მსოფლიო ბანკის ,,ეროვნული ინოვაციების ეკოსისტემის პროექტის" (GENIE) მხარდაჭერით ახორციელებს. პროგრამის მიზანია  საქართველოში საერთაშორისო პოტენციალის მქონე ინოვაციური პროდუქტების და მომსახურების  შემუშავება, მათი კომერციალიზაცია და ინოვაციური საწარმოების შექმნის სტიმულირება.

ინოვაციებისა და ტექნოლოგიების სააგენტოს ინფორმაციით, საგრანტო კონკურსის ფარგლებში საერთო ჯამში 246-მა  აპლიკანტმა შემოიტანა განაცხადი. ფინალისტები საფინალო ეტაპისთვის სპეციალურად ამ პროგრამისთვის მოწვეულმა ტრენერებმა მოამზადეს. ტრენინგები ერთი კვირის განმავლობაში მიმდინარეობდა.  საბოლოოდ, 20 გამარჯვებული სტარტაპი   ბათუმის ტექნოპარკში, მაღალი დონის საერთაშორისო ვენჩურული ინვესტორებით დაკომპლექტებულმა საინვესტიციო კომიტეტმა გამოავლინა.

ავტორი: NS (სტატია დაფინანსებულია),

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა