პრეიმერ-მინისტრი ირაკლი ღარიბაშვილი აცხადებს, რომ საქართველოს მესამე პრეზიდენტი მიხეილ სააკაშვილი ქვეყანაში ჩამოსვლისთანავე წავა ციხეში, რასაც ვერავინ ვერ აღუდგება წინ.

მისივე თქმით, სააკაშვილი არის მსჯავრდებული და მოწოდებები, რომ ვინმე დაიცავს, არის სრული სიყალბე.

 „ეს კაცი უკვე 8 წელი აიმუქრება, რომ ჩამოვა, მაგრამ არ ჩამოდის, ვერ ჩამოდის, იმიტომ რომ მშიშარა კაცია, იცის, რომ შევა ციხეში. სააკაშვილის ერთადერთი ამოცანა და მიზანია, ჩვენი ქვეყნის არეულობა, დესტაბილიზაცია და ქაოსის შემოტანა. ერთადერთი მისი სურვილი და მიზანი უკავშირდება ძალაუფლების დაბრუნებას, რაც არის მიუღწეველი ოცნება სააკაშვილისთვის და მისი მკვლელი, მჩაგვრელი გუნდისთვის. დღეს სახელმწიფო არის ძლიერი და მიხოს და მის ბანდას არ ეგონოს, რომ 2003 წელია. ნებისმიერ პროვოკაციებზე ყველა მკაცრად აგებს პასუხს.

დაუშვათ ჩამოვიდა ლაჩარი კაცი, გამოაგდეს და ჩამოვიდა, რა უნდა მოხდეს? კანონის აღსრულებას ამ მიწაზე ვერავინ ვერ აღუდგება წინ, ვინც შეეწინააღმდეგება, ისიც შევა ციხეში, ამის გარანტიას ვიძლევი კანონის და სახელმწიფოს სახელით. სააკაშილი არის მსჯავრდებული, იმსახურებს ციხეს და ის მოწოდებები, რომ გალხი გამოვა და დამიცავს, არის სრული სიყალბე. რისი თავი აქვს მაგ საცოდავს? 5 000 კაცის მოგროვება ძლივს შეუძლიათ, ისიც პიკის დროს“, - განაცხადა ღარიბაშვილმა.

ავტორი: ექსპრესნიუსი,

სოციალური ქსელები

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს