2021-09-20 12:52:36, 641 ნახვა
მსოფლიო
კანარის კუნძულ ლა პალმაზე ვულკანი ამოიფრქვა
კანარის კუნძულ ლა პალმაზე ვულკანი კუმბრე ვიეია ამოიფრქვა. ევაკუირებულია 5000-მდე ადამიანი.
BBC-ის ინფორმაციით, ვულკანის შედეგად განადგურდა სახლები. ამ დროისთვის დაღუპულების შესახებ ინფორმაცია არ ვრცელდება.
ადგილზე ესპანეთის პრემიერმინისტრი პედრო სანჩესი იმყოფეოდა. მისი განცხადებით, სამხედრო და სამოქალაქო დაცვის წევრები მობილიზებულია და ხელისუფლება ყურადღებით აკვირდება ვულკანისგან გამოწვეულ ხანძრებს.
ვულკანი კუმბრე ვიეია ლა პალმას კუნძულის სამხრეთ ნაწილში მდებარეობს. ის ერთერთია აქტიურ ვულკანთაგან და ბოლოს 50 წლის წინ ამოიფრქვა.
ავტორი: ექსპრესნიუსი,
epn.ge (@expressnews.ge)
